शिक्षक होण्याचे स्वप्न पाहणाऱ्यांसाठी मोठी संधी! ‘महाटीईटी’ परीक्षेचे वेळापत्रक जाहीर; २१ जूनला होणार परीक्षा
अमरावती, प्रतिनिधी विलास सावळे,२६ मार्च २०२६ | मॅक्स मंथन शैक्षणिक विशेष:
अमरावती : महाराष्ट्र राज्य परीक्षा परिषदेतर्फे घेतली जाणारी ‘महाराष्ट्र शिक्षक पात्रता परीक्षा’ (MAHATET) २०२६ चे अधिकृत वेळापत्रक जाहीर करण्यात आले आहे. ही परीक्षा २१ जून २०२६ रोजी राज्यभरात घेतली जाणार असून, यासाठी ऑनलाईन अर्ज भरण्याची प्रक्रिया २७ मार्च पासून सुरू होणार असल्याची माहिती परीक्षा परिषदेचे आयुक्त महेश चौथे यांनी दिली आहे.
राज्यातील सर्व माध्यमांच्या आणि सर्व मंडळांच्या अनुदानित व विनाअनुदानित शाळांमध्ये शिक्षक पदावर नियुक्तीसाठी ही परीक्षा उत्तीर्ण होणे आता अनिवार्य आहे.
परीक्षेचे सविस्तर वेळापत्रक
| तपशील | दिनांक / वेळ |
| ऑनलाईन अर्ज व शुल्क भरण्याचा कालावधी | २७ मार्च ते १६ एप्रिल २०२६ |
| प्रवेशपत्र (Admit Card) ऑनलाईन उपलब्ध | ९ जून ते २१ जून २०२६ |
| परीक्षा दिनांक | २१ जून २०२६ |
| पेपर १ (इ. १ ली ते ५ वी) | सकाळी १०:३० ते दुपारी १:०० |
| पेपर २ (इ. ६ वी ते ८ वी) | दुपारी २:३० ते सायंकाळी ५:०० |
-
पात्रता: पहिली ते पाचवीच्या वर्गासाठी ‘पेपर १’ आणि सहावी ते आठवीच्या वर्गासाठी ‘पेपर २’ अशी परीक्षेची रचना आहे.
-
अर्ज कोठे करावा? इच्छुक उमेदवारांनी https://mahatet.in या अधिकृत संकेतस्थळावर जाऊन आपले अर्ज निश्चित करायचे आहेत.
-
बदल शक्य: प्रशासकीय अडचणींमुळे वेळापत्रकात बदल होण्याची शक्यता नाकारता येत नाही. त्यामुळे परीक्षार्थ्यांनी अद्ययावत माहितीसाठी अधिकृत वेबसाईटवर सातत्याने लक्ष ठेवावे.
© २०२६ मॅक्स मंथन डेली न्यूज. सर्व हक्क राखीव।
