पिंपरी: “वर्षानुवर्षे निष्ठा, शिस्त आणि कर्तव्यभावनेने शहराची अविरत सेवा करणाऱ्या अधिकारी-कर्मचाऱ्यांमुळेच पिंपरी-चिंचवड महानगरपालिका आज एका भक्कम पायावर उभी आहे,” अशा शब्दांत महापालिकेचे सह आयुक्त मनोज लोणकर यांनी सेवानिवृत्त कर्मचाऱ्यांच्या कार्याचा गौरव केला.

पिंपरी-चिंचवड महानगरपालिकेच्या मुख्य प्रशासकीय इमारतीमधील दिवंगत मधुकर पवळे सभागृहात आयोजित सोहळ्यात सप्टेंबर २०२६ अखेर नियत वयोमानानुसार सेवानिवृत्त झालेले १९ आणि स्वेच्छानिवृत्ती घेतलेले २, अशा एकूण २१ अधिकारी व कर्मचाऱ्यांचा सह आयुक्त मनोज लोणकर यांच्या हस्ते सन्मानपत्र देऊन सपत्नीक भावूक वातावरणात सत्कार करण्यात आला.

या सोहळ्यास मुख्य कामगार कल्याण अधिकारी प्रमोद जगताप, जनता संपर्क अधिकारी प्रफुल्ल पुराणिक, मुख्य लिपिक माया वाकडे, नंदकुमार इंदलकर यांच्यासह विविध विभागांतील अधिकारी, कर्मचारी आणि सेवानिवृत्त कर्मचाऱ्यांचे कुटुंबीय मोठ्या संख्येने उपस्थित होते.

नियत वयोमानानुसार सेवानिवृत्त झालेले (१९ कर्मचारी) उपअभियंता गणेश राऊत, कार्यालय अधीक्षक रमेश यादव, मुख्याध्यापक पुष्पा शिंदे, रजनी आहेर, अनुजा सोनगरे, मुख्य लिपिक रामू गेंगजे, रोहिणी ढेंबरे, सिस्टर इनचार्ज पौर्णिमा आमले, जलधारा टिपले, कॉम्प्युटर ऑपरेटर अरुण गुंडगळ, उपशिक्षक नीलिमा भांबेरे, सुनिता शेजवळ, रखवालदार बाळू लांडगे, लिफ्टमन विलास गायकवाड, मजूर हंसराज सजनियाल, लक्ष्मण मानमोडे, पांडुरंग गवारी, सफाई कामगार सविता काळभोर, नंदकुमार भोंडवे 

स्वेच्छानिवृत्ती घेतलेले (२ कर्मचारी) सफाई कामगार राजेश गंगावणे, कचरा कुली गणेश यादव

दीर्घकाळ पालिकेत सेवा बजावल्यानंतर सेवानिवृत्त होणाऱ्या कर्मचाऱ्यांच्या प्रती या कार्यक्रमात महापालिका प्रशासनाच्या वतीने मनापासून कृतज्ञता व्यक्त करण्यात आली. त्यांच्या पुढील निरोगी, दीर्घायुषी आणि समृद्ध निवृत्त आयुष्यासाठी उपस्थितांनी शुभेच्छा दिल्या.

या कार्यक्रमाचे प्रास्ताविक मुख्य कामगार कल्याण अधिकारी प्रमोद जगताप यांनी केले, तर सूत्रसंचालन आणि आभारप्रदर्शन जनता संपर्क अधिकारी प्रफुल्ल पुराणिक यांनी मानले.