आषाढी वारी २०२६: देहू अन् आळंदी पालखी सोहळ्यासाठी पिंपरी-चिंचवड पोलिसांचे चोख नियोजन; आयुक्त विनयकुमार चौबे यांच्या उपस्थितीत आढावा बैठक संपन्न

पिंपरी चिंचवड प्रतिनिधी बालाजी नवले , २३ जून २०२६ मॅक्स मंथन डेली न्यूज:

पिंपरी: “महाराष्ट्राची अत्यंत पवित्र आणि अलौकिक अशी आषाढी वारी पंढरपूर पायी पालखी सोहळा हा केवळ एक धार्मिक उत्सव नसून ती आपल्या संस्कृतीची आणि एकतेची जिवंत लोकभावना आहे. यंदाच्या वर्षी देखील जगद्गुरु श्री संत तुकाराम महाराज आणि संतश्रेष्ठ श्री ज्ञानेश्वर महाराज यांचा पालखी सोहळा अत्यंत शांततेत, सुरक्षिततेच्या वातावरणात आणि भक्तीमय चैतन्यात पार पाडण्यासाठी पिंपरी-चिंचवड पोलीस दल पूर्ण ताकदीने सज्ज झाले आहे. पालखी मार्गावरील सुरक्षा, वाहतूक व्यवस्था आणि कायदा व सुव्यवस्था राखण्यासोबतच वारीमध्ये सहभागी होणाऱ्या लाखो वारकऱ्यांना सुरक्षित आणि सुलभ वातावरण मिळवून देणे हे आमचे सर्वोच्च कर्तव्य आहे,” असे प्रतिपादन पिंपरी-चिंचवडचे पोलीस आयुक्त मा. श्री. विनयकुमार चौबे यांनी केले.

जगद्गुरु श्री संत तुकाराम महाराज यांच्या ३४१ व्या आषाढी वारी प्रस्थान सोहळ्याच्या (दि. ७ जुलै २०२६) आणि संतश्रेष्ठ श्री ज्ञानेश्वर महाराज यांच्या १९५ व्या आषाढी वारी पालखी प्रस्थान सोहळ्याच्या (दि. ८ जुलै २०२६) पार्श्वभूमीवर, पोलीस आयुक्तालय पिंपरी-चिंचवड येथे विविध नियोजन व आढावा बैठका संपन्न झाल्या. या महत्त्वाच्या बैठकीत पोलीस आयुक्त विनयकुमार चौबे यांच्या मुख्य उपस्थितीत दोन्ही देवस्थानचे प्रमुख विश्वस्त, सोहळा प्रमुख आणि पोलीस अधिकाऱ्यांमध्ये अत्यंत सविस्तर चर्चा पार पडली.

निश्चित झालेल्या अधिकृत वेळापत्रकानुसार श्री संत तुकाराम महाराज पालखी (देहू): मंगळवार, ७ जुलै २०२६ रोजी देहू येथून पंढरपूरसाठी मार्गस्थ होईल. श्री संत ज्ञानेश्वर महाराज पालखी (आळंदी): बुधवार, ८ जुलै २०२६ रोजी आळंदी येथून दुपारी ३:०० वाजता प्रस्थान करेल. दोन्ही सोहळ्यांची पार्श्वभूमी लक्षात घेऊन, पालखी मार्ग, मंदिर परिसर, मुक्कामाची ठिकाणे आणि वारकऱ्यांच्या सोयी-सुविधांबाबत उद्भवणाऱ्या विविध प्रशासकीय अडचणींवर सकारात्मक उपाययोजना काढण्यासाठी या बैठकीचे आयोजन करण्यात आले होते.

पोलीस आयुक्त विनयकुमार चौबे यांनी बैठकीमध्ये सर्व पोलीस अधिकाऱ्यांना कडक मार्गदर्शक सूचना जारी केल्या: १) चोख वाहतूक नियंत्रण: पालखी प्रस्थान व प्रवासादरम्यान मुंबई-पुणे हायवे आणि परिसरातील वाहतूक सुरळीत ठेवण्यासाठी वाहतूक शाखेने विशेष नियोजन करावे. दिंडीची वाहने आणि वारकऱ्यांच्या मार्गात अडथळा येऊ नये म्हणून योग्य ठिकाणी बॅरिकेड्स लावावेत. २) पर्यायी मार्गांचा वापर: अवजड आणि इतर खाजगी वाहनांची कोंडी टाळण्यासाठी आधीच पर्यायी मार्गांची अधिकृत घोषणा केली जावी. ३) ‘नो-हॅप’ आणि सुरक्षित परिसर: संपूर्ण वारी मार्गावर कोणतीही अनुचित घटना घडू नये यासाठी कडक पोलीस गस्त आणि विशेष सीसीटीव्ही कॅमेऱ्यांचे जाळे उभारले जावे. ४) आरोग्य व स्वच्छता समन्वय: महापालिकेच्या सहकार्याने वारकऱ्यांसाठी शुद्ध पाणी, शौचालये आणि तात्काळ वैद्यकीय सुविधा पुरवण्यासाठी चोख समन्वय ठेवण्यात यावा.

बैठकीमध्ये जगद्गुरु श्री संत तुकाराम महाराज मंदिर संस्थान, देहूच्या वतीने सन्माननीय पदाधिकारी उपस्थित होते. श्री. जालिंदर विश्वनाथ मोरे (अध्यक्ष, देहू संस्थान), श्री. विक्रमसिंह उमराज मोरे (पालखी सोहळा प्रमुख), श्री. दिलीप नारायण मोरे (विश्वस्त), श्री. लक्ष्मण दत्तात्रय मोरे (विश्वस्त), श्री. गणेश उत्तम मोरे (विश्वस्त), श्री. वैभव अशोक मोरे (विश्वस्त), श्री. उमेश सुरेश मोरे (विश्वस्त) श्री ज्ञानेश्वर महाराज मंदिर देवस्थान, आळंदीच्या वतीने प्रमुख विश्वस्त उपस्थित होते. राजेंद्र बाबूराव उमाप (प्रमुख विश्वस्त, आळंदी देवस्थान), डॉ. भावार्थ रामचंद्र देखणे (विश्वस्त व ज्येष्ठ प्रवचनकार), योगी निरंजननाथ गुरु शांतीनाथ (विश्वस्त), श्री. चैतन्य केशवराव लांडगे (विश्वस्त व पालखी सोहळा प्रमुख), एड. रोहिणीताई पवार (विश्वस्त), श्री. पुरुषोत्तम मुरलीधर पाटील (विश्वस्त), श्री. राजेंद्र बाळासाहेब पवार (आफळेकर) (दिंडी मालक व प्रतिनिधी), श्री. ज्ञानेश्वर वीर (विश्वस्त)

आषाढी वारीच्या या भव्य बंदोबस्ताचे आणि सुरक्षिततेचे नियोजन करण्यासाठी पिंपरी-चिंचवड पोलीस दलाचे सर्व उच्चपदस्थ अधिकारी या बैठकीला हजर होते.  पोलीस सह आयुक्त डॉ. शशिकांत महावरकर, अपर पोलीस आयुक्त श्री. सारंग आवाड (गुन्हे), अपर पोलीस आयुक्त श्री. बसवराज तेली (प्रादेशिक विभाग), पोलीस उप आयुक्त श्री. संदीप आटोळे (परिमंडळ १), पोलीस उप आयुक्त श्री. संदीप जगताप (परिमंडळ ३), पोलीस उप आयुक्त श्रीमती श्वेता खेडकर (परिमंडळ ४), पोलीस उप आयुक्त श्री. रोहिदास पवार (गुन्हे शाखा), पोलीस उप आयुक्त श्री. धीरज पाटील (विशेष शाखा), आणि पोलीस उप आयुक्त श्री. विक्रांत देशमुख (वाहतूक शाखा) यांच्यासह सर्व संबंधित सहाय्यक पोलीस आयुक्त (ACP) आणि पोलीस ठाण्यांचे वरिष्ठ पोलीस निरीक्षक उपस्थित होते.

बैठकीच्या सांगता प्रसंगी पोलीस आयुक्त विनयकुमार चौबे यांच्या हस्ते दोन्ही देवस्थानच्या सर्व सन्माननीय विश्वस्तांचा शाल, श्रीफळ आणि सत्कार करून सन्मान करण्यात आला. सर्व विश्वस्तांनी देखील पोलीस प्रशासनाच्या या तत्पर आणि सूक्ष्म नियोजनाबद्दल समाधान व्यक्त करत कृतज्ञता व्यक्त केली.

© २०२६ मॅक्स मंथन डेली न्यूज. सर्व हक्क राखीव.