अमरावती: महाराष्ट्र शासनाच्या आदिवासी विकास विभागांतर्गत कार्यरत शासकीय आश्रमशाळांमधील पेसा व नॉन-पेसा क्षेत्रातील शिक्षकांच्या रिक्त पदांसाठी मोठी भरती प्रक्रिया सुरू करण्यात आली आहे. ‘पवित्र’ (PAVITRA) पोर्टलद्वारे वर्ग ३ संवर्गातील प्राथमिक, माध्यमिक आणि उच्च माध्यमिक शिक्षक (शिक्षण सेवक) अशी एकूण २ हजार ४२१ रिक्त पदे भरण्यात येणार आहेत. या मेगाभरतीमुळे राज्यातील डी.एल.एड. आणि बी.एड. धारक पात्र उमेदवारांना शासकीय सेवेत प्रवेशाची मोठी संधी उपलब्ध झाली आहे, अशी माहिती आदिवासी विकास विभागाच्या नाशिक येथील आयुक्त लीना बनसोड यांनी दिली.

आदिवासी विकास विभागाच्या नाशिक, ठाणे, अमरावती आणि नागपूर या चारही विभागांतील आश्रमशाळांचा या भरतीत समावेश आहे. नाशिक विभाग ८२६ पदे, ठाणे विभाग ६१३ पदे, नागपूर विभाग ५१४ पदे, अमरावती विभाग ४६८ पदे

भरती प्रक्रियेत स्थानिक व आदिवासी भागातील उमेदवारांना न्याय मिळवून देण्यासाठी पेसा आणि नॉन-पेसा क्षेत्रांचे स्पष्ट विभाजन करण्यात आले आहे:

ही संपूर्ण भरती प्रक्रिया ‘पवित्र’ (PAVITRA) प्रणालीद्वारे अत्यंत पारदर्शकपणे, गुणवत्तेच्या आधारावर आणि शासनाच्या नियमांनुसारच राबवली जात आहे. त्यामुळे कोणत्याही उमेदवाराने मध्यस्थ किंवा अफवांवर विश्वास ठेवू नये, असे आवाहन आदिवासी विकास विभागाच्या आयुक्त लीना बनसोड यांनी केले आहे.