दर्यापूर शहरात विकासाची नांदी! खासदार बळवंतभाऊ वानखडे यांच्या प्रयत्नांतून ₹ ४५ लाखांच्या कामांचे भूमिपूजन संपन्न
आमदार गजाननभाऊ लवटे यांची उपस्थिती; पेव्हिंग ब्लॉक, कंपाऊंड वॉल, सभागृह बांधकामांचा समावेश
दर्यापूर प्रतिनिधी अमोल चव्हाण, दि. ३ नोव्हेंबर २०२५, मॅक्स मंथन डेली न्यूज:
दर्यापूर शहराच्या विकासाला गती देण्यासाठी अमरावती लोकसभा मतदारसंघाचे खासदार बळवंतभाऊ वानखडे यांच्या विशेष प्रयत्नातून मंजूर झालेल्या ₹ ४५ लाख रुपयांच्या विविध विकास कामांचे भूमिपूजन सोहळा नुकताच दर्यापूर शहरात मोठ्या उत्साहात पार पडला. या कामांमुळे शहरातील नागरिकांच्या पायाभूत सुविधांच्या गरजा पूर्ण होणार आहेत.
नगरपरिषद दर्यापूर अंतर्गत मंजूर झालेल्या या विकास कामांमध्ये सार्वजनिक सुविधा आणि परिसराच्या सौंदर्यीकरणाचा समावेश आहे:
- जवाहरलाल नेहरू पुतळ्याजवळ: नगरपरिषद अंतर्गत पेव्हिंग ब्लॉकसह वॉल कंपाऊंडचे बांधकाम.
- दर्गा मशीद परिसर: नगरपरिषद अंतर्गत संरक्षक भिंत बांधकाम.
- संबोधी बुद्ध विहार, साईनगर: नगरपरिषद अंतर्गत सभागृह बांधकाम.
- सौदागरपुरा: नगरपरिषद अंतर्गत संरक्षण भिंत बांधकाम.
या महत्त्वपूर्ण सोहळ्यासाठी प्रमुख अतिथी म्हणून खासदार बळवंतभाऊ वानखडे (अमरावती लोकसभा) यांच्यासह दर्यापूर विधानसभा आमदार गजाननभाऊ लवटे यांची विशेष उपस्थिती होती.
यावेळी व्यासपीठावर सुधाकरभाऊ भारसाकडे (तालुकाध्यक्ष काँग्रेस कमिटी दर्यापूर), मा. बाळासाहेब हिंगणीकर (माजी सभापती जि.प. अमरावती), विक्रमसिंह परिहार (माजी नगराध्यक्ष न.प. दर्यापूर), सुनीलभाऊ गावंडे (सभापती कृ.उ.बा.स. दर्यापूर), ईश्वरभाऊ बुंदेले (महासचिव काँग्रेस अमरावती ग्रामीण), सैय्यद रफिक (अल्पसंख्याक अध्यक्ष तालुका काँग्रेस कमिटी दर्यापूर), आतिष शिरभाते (शहराध्यक्ष काँग्रेस कमिटी दर्यापूर) आणि मा. श्री. जमील खान शहादत खान (अध्यक्ष, अल्पसंख्यांक काँग्रेस सेल दर्यापूर) हे मान्यवर उपस्थित होते.
या भूमिपूजन सोहळ्याला दर्यापूर शहरातील माजी नगरसेवक, काँग्रेस पदाधिकारी, कार्यकर्ते आणि नागरिक मोठ्या संख्येने उपस्थित होते, ज्यामुळे या विकास कामांबद्दलचा शहरातील उत्साह दिसून आला.
© २०२५ मॅक्स मंथन डेली न्यूज. सर्व हक्क राखीव.
