राज्यातील २९ महानगरपालिकांसाठी मोठा बदल! मतदार यादीच्या कार्यक्रमात राज्य निवडणूक आयोगाकडून सुधारणा

प्रारूप यादीवरील हरकती, अंतिम यादी प्रसिद्धी आणि मतदान केंद्र यादीच्या तारखा बदलल्या; महानगरपालिका आयुक्तांना तातडीने अंमलबजावणीचे निर्देश

पिंपरी प्रतिनिधी शाम सोनवणे, दि. २७ नोव्हेंबर २०२५, मॅक्स मंथन डेली न्यूज: 

राज्यातील २९ महानगरपालिकांच्या सार्वत्रिक निवडणुकांसाठी मतदार यादीचा कार्यक्रम राज्य निवडणूक आयोगाने सुधारित केला आहे. यासंबंधीचे पत्र राज्य निवडणूक आयोग, महाराष्ट्र चे सचिव सुरेश कांकांणी यांनी दिनांक २६ नोव्हेंबर २०२५ रोजी सर्व महानगरपालिका आयुक्तांना पाठवले आहे.

या सुधारित कार्यक्रमानुसार, मतदार यादीच्या विविध टप्प्यांच्या पूर्वीच्या निर्धारित तारखांमध्ये बदल करण्यात आले आहेत.

राज्य निवडणूक आयोगाने दिलेले मतदार यादीशी संबंधित सुधारीत कार्यक्रम खालीलप्रमाणे आहे:

मतदार यादी तयार करताना काही तांत्रिक अडचणी आल्यास, संबंधित महानगरपालिका आयुक्तांनी श्री. समीर गंदपवार (संगणकीकरण कक्ष) यांच्याशी ई-मेलद्वारे (sec.compu@mah.gov.in ) संपर्क साधावा किंवा दूरध्वनी क्रमांक ०२२-२२८८६९५० / २२०२२९०९ वर संपर्क साधावा, असे निर्देश आयोगाने दिले आहेत.

हा मतदार यादीचा सुधारीत कार्यक्रम आयोगाच्या https://mahasec.maharashtra.gov.in/  या संकेतस्थळावरही उपलब्ध आहे. मा. राज्य निवडणूक आयुक्त यांच्या आदेशानुसार हा बदल सुरेश कांकांणी  यांनी त्वरित लागू करण्याची सूचना केली आहे.

© २०२५ मॅक्स मंथन डेली न्यूज. सर्व हक्क राखीव.