चिखली घरकुल येथे संविधानाचा जागर! नागरिकांनी पिरॅम्बल वाचून ७५ वा संविधान दिन केला उत्साहात साजरा

भारतीय संविधानाचे महत्त्व आणि नागरिकांच्या जबाबदारीवर मार्गदर्शन; सुजाता ताई विधाते आणि अशोक मगर यांची प्रमुख उपस्थिती

चिखली, प्रतिनिधी श्याम सोनवणे , दि. २७ नोव्हेंबर २०२५, मॅक्स मंथन डेली न्यूज:

२६ नोव्हेंबर २०२५ रोजी चिखली, घरकुल या ठिकाणी ७५ वा संविधान दिन मोठ्या उत्साहात साजरा करण्यात आला. भारतीय संविधानाच्या मूल्यांचा सन्मान करण्यासाठी संपूर्ण घरकुल वासी एकत्र आले आणि त्यांनी संविधान प्रस्ताविकेचे (Preamble) वाचन करून संविधान दिनाचा गौरव केला.

या कार्यक्रमाचे आयोजन फेडरेशन ऑफ घरकुल आणि सम्यक क्रांती संघ घरकुल यांच्या संयुक्त विद्यमाने करण्यात आले होते.

या कार्यक्रमाला राष्ट्रवादी काँग्रेस पार्टी (शरदचंद्र पवार) पक्षाच्या ओबीसी विभागाच्या महिला अध्यक्ष सुजाता ताई विधाते आणि चिखली घरकुल फेडरेशनचे अध्यक्ष अशोक मगर यांची प्रमुख उपस्थिती होती.

याव्यतिरिक्त, भोसरी विधानसभा उपाध्यक्ष संतोष माळी, सचिव दशरथ शिंदे, संचालक निर्जला चौधरी, मार्गदर्शक संचालक भगवान पारे तसेच प्रमुख पाहुणे सुभेद साबळे सम्यक क्रांती संघटनेचे अध्यक्ष दशरथ शिंदे फेडरेशन ऑफ घरकुल वंदना जावळे, भगवान पारे, सादिक शेख, आसिफ भाई, गणेश वारुळे, दत्ता कांबळे, उत्तम साबळे, महेश सावंत,  संभाजी गोरे, संभाजी बोडके, अनिता बागडे, गायकवाड मॅडम, इंगवले मॅडम इतर समिती पदाधिकारी आणि मोठ्या संख्येने घरकुल वाशियांनी उपस्थिी दर्शविली.

यावेळी भारतीय संविधानाचे महत्त्व आणि नागरिकांची असलेली जबाबदारी याबद्दल उपस्थितांना थोडक्यात मुद्देसूदपणे माहिती देण्यात आली.

या सामूहिक वाचनातून आणि मार्गदर्शनातून घरकुलवासीयांनी भारतीयत्व आणि राष्ट्रीय एकात्मता जपण्याचा निर्धार केला.

© २०२५ मॅक्स मंथन डेली न्यूज. सर्व हक्क राखीव.