पिंपरी चिंचवड महापालिकेच्या प्रभाग समित्यांची पुनर्रचना; १० क्षेत्रीय कार्यालयांची स्थापना

पिंपरी चिंचवड प्रतिनिधी लक्ष्मण प्रधान, १३ मे २०२६ मॅक्स मंथन डेली न्यूज:

पिंपरी: पिंपरी चिंचवड महानगरपालिकेच्या प्रशासकीय कामकाजाची कार्यक्षमता वाढविण्यासाठी आणि नागरिकांना अधिक तत्पर सेवा उपलब्ध करून देण्यासाठी महापालिकेने ऐतिहासिक पाऊल उचलले आहे. वाढती लोकसंख्या आणि विस्तारलेला भौगोलिक परीघ लक्षात घेता, विद्यमान ८ प्रभाग समित्यांचे पुनर्गठन करून आता एकूण १० प्रभाग समित्या (क्षेत्रीय कार्यालये) स्थापन करण्याचा निर्णय घेण्यात आला आहे. याबाबत आयुक्त डॉ. विजय सूर्यवंशी यांनी आदेश जारी केले असून, विशेष म्हणजे प्रत्येक कार्यालयाला महाराष्ट्रातील गौरवशाली किल्ल्यांचे नाव देण्यात आले आहे.

महाराष्ट्र महानगरपालिका अधिनियमातील कलम २९-अ मधील तरतुदीनुसार हा निर्णय घेण्यात आला आहे. १३ मार्च २०२६ रोजी झालेल्या महापालिका सभेत या पुनर्रचनेवर शिक्कामोर्तब करण्यात आले होते. नवीन रचनेनुसार ३२ निवडणूक प्रभागांची विभागणी या १० कार्यालयांतर्गत करण्यात आली असून, हा निर्णय २५ मे २०२६ पासून लागू होणार आहे.

खालील तक्त्यात नवीन क्षेत्रीय कार्यालयांची माहिती दिली आहे:

प्रशासकीय सोयीसाठी करण्यात आलेल्या या बदलामुळे नागरिकांना आपल्या प्रभागाशी संबंधित कामांसाठी जवळच्या क्षेत्रीय कार्यालयात जाणे सोपे होणार आहे. तसेच, नवीन निवडणूक प्रभाग रचनेनुसार कामात सुसूत्रता येईल, असा विश्वास प्रशासनाकडून व्यक्त करण्यात आला आहे.

© २०२६ मॅक्स मंथन डेली न्यूज. सर्व हक्क राखीव.