पिंपरी / रावेत: “आजचे विद्यार्थी हेच भारताच्या उज्ज्वल भविष्याचे खरे शिल्पकार आहेत. विद्यार्थ्यांना ज्ञान, मूल्ये, कौशल्ये आणि आत्मविश्वासाने समृद्ध करण्यासाठी पिंपरी चिंचवड एज्युकेशन ट्रस्टचे (PCET) एस. बी. पाटील पब्लिक स्कूल नेहमी विद्यार्थ्याला केंद्रबिंदू मानून कार्य करत आहे. या गुणवत्तेची दखल घेत ‘आंतरराष्ट्रीय शाळा मान्यता परिषदे’च्या वतीने शाळेला राष्ट्रीय पातळीवर तीन पुरस्कार मिळणे ही संपूर्ण पिंपरी-चिंचवड शहरासाठी अभिमानास्पद बाब आहे,” असे उद्गार पीसीईटीच्या उपाध्यक्ष पद्माताई भोसले यांनी काढले.