UPSC कडून जाहिरात क्र. ११/२०२६ प्रसिद्ध: २१२ पदांसाठी भरती प्रक्रियेची घोषणा!
पुणे / नवी दिल्ली प्रतिनिधी, दि. ११ सप्टेंबर २०२६ मॅक्स मंथन डेली न्यूज:
पुणे / नवी दिल्ली: केंद्रीय लोकसेवा आयोगाने (UPSC) विविध सात कायमस्वरूपी पदांच्या एकूण २१२ जागांसाठी अधिकृत जाहिरात (Advertisement No. 11/2026) प्रसिद्ध केली आहे. या भरतीमध्ये सर्वाधिक १४० जागा या कायद्याच्या पदवीधरांसाठी (Law Graduates) दिल्ली सरकारमध्ये ‘असिस्टंट पब्लिक प्रॉसिक्युटर’ (APP) पदासाठी राखीव ठेवण्यात आल्या आहेत.
१. असिस्टंट पब्लिक प्रॉसिक्युटर (APP) – १४० जागा: दिल्ली सरकारच्या गृह विभागातील अभियोग संचालनालयासाठी ही भरती केली जात असून, मान्यताप्राप्त विद्यापीठाची कायद्याची (Law) पदवी आवश्यक आहे. २. असिस्टंट प्रोफेसर (जनरल मेडिसिन / ॲनाटोमी) व स्पेशालिस्ट – ६०+ जागा: पदव्युत्तर वैद्यकीय पदवी (MD/MS) धारण करणाऱ्या डॉक्टरांसाठी या जागा आहेत. ३. असिस्टंट एडिटर (इंडियन ब्युरो ऑफ माईन्स): वृत्तपत्रविद्या (Journalism) आणि जनसंवाद क्षेत्रातील पदवीधरांसाठी ही पदे आहेत. ४. पब्लिक लॉ ऑफिसर आणि इतर पदे.
वेतनश्रेणी ७ व्या वेतन आयोगानुसार पे लेव्हल ७ ते लेव्हल ११ प्लस एनपीए (NPA), अर्ज प्रक्रिया सुरू १२ सप्टेंबर २०२६, अर्जाची अंतिम मुदत ०२ ऑक्टोबर २०२६ (सायंकाळी ६:०० वाजेपर्यंत). (लडाखमधील एका विशिष्ट पदासाठी अंतिम मुदत ९ ऑक्टोबर २०२६ आहे), परीक्षा/अर्ज शुल्क ₹२५ (महिला, अनुसूचित जाती (SC), अनुसूचित जमाती (ST) आणि दिव्यांग (PwBD) उमेदवारांसाठी शुल्क माफ आहे), निवड प्रक्रिया प्राप्त अर्जांच्या छाननीनंतर थेट मुलाखतीद्वारे (Interview) निवड केली जाईल. अर्जांची संख्या जास्त असल्यास UPSC द्वारे ‘रिक्रूटमेंट टेस्ट’ (Recruitment Test) घेतली जाऊ शकते. इच्छुक आणि पात्र उमेदवारांनी अधिकृत संकेतस्थळावर (upsconline.nic.in) जाऊन सविस्तर जाहिरात वाचून वेळेत अर्ज सादर करावेत.
© २०२६ मॅक्स मंथन डेली न्यूज. सर्वहक्क राखीव
