कार्यशाळेत कोरिया एसएमई अँड स्टार्टअप्स एजन्सीचे (KOSME) संचालक सेउंग जंग कांग यांनी विद्यार्थ्यांना मार्गदर्शन केले.

आपल्या व्याख्यानात त्यांनी कोरियन व्यावसायिक पद्धती, कॉर्पोरेट संस्कृती, उद्योजकता, नावीन्यपूर्ण प्रयोग (Innovation) आणि आंतर-सांस्कृतिक दृष्टिकोन यांवर सविस्तर प्रकाश टाकला. तसेच कोरियाची गतिमान व्यावसायिक परिसंस्था, जागतिक बाजारपेठेतील संधी, व्यावसायिक शिष्टाचार, प्रभावी संवाद, परस्पर सहकार्य आणि यशस्वी आंतरराष्ट्रीय संबंध कसे प्रस्थापित करावेत, याविषयी विद्यार्थ्यांना मोलाचा सल्ला दिला.

या प्रसंगी SBPIM च्या संचालक डॉ. कीर्ती धारवाडकर, शैक्षणिक विभाग प्रमुख डॉ. रूपाली कुदरे, डॉ. ऐश्वर्या गोपाल कृष्णन, डॉ. प्रणिता बुरबुरे यांच्यासह प्राध्यापक वर्ग आणि एमबीएचे विद्यार्थी मोठ्या संख्येने उपस्थित होते.

या कार्यशाळेचे यशस्वी आयोजन पिंपरी चिंचवड एज्युकेशन ट्रस्टचे अध्यक्ष ज्ञानेश्वर लांडगे, उपाध्यक्ष पद्माताई भोसले, सचिव विठ्ठल काळभोर, खजिनदार शांताराम गराडे, विश्वस्त हर्षवर्धन पाटील, उद्योजक नरेंद्र लांडगे, अजिंक्य काळभोर आणि कार्यकारी संचालक डॉ. गिरीश देसाई यांच्या मार्गदर्शनाखाली करण्यात आले होते.