पिंपरी-चिंचवड महापालिकेत भारतरत्न इंदिरा गांधी यांना जयंतीनिमित्त विनम्र अभिवादन; महापौर रवि लांडगे यांच्या उपस्थितीत घेतली राष्ट्रीय एकात्मतेची शपथ!
पिंपरी-चिंचवड प्रतिनिधी आकाश कांबळे, दि. १९ नोव्हेंबर २०२६ मॅक्स मंथन डेली न्यूज:
पिंपरी: भारताच्या पहिल्या महिला पंतप्रधान दिवंगत भारतरत्न इंदिरा गांधी यांच्या जयंतीनिमित्त पिंपरी-चिंचवड महानगरपालिकेच्या मुख्य प्रशासकीय इमारतीत त्यांना विनम्र अभिवादन करण्यात आले. आज गुरुवार (दि. १९ नोव्हेंबर) महापौर रवि लांडगे यांच्या हस्ते स्व. इंदिरा गांधी यांच्या प्रतिमेस पुष्पहार अर्पण करून आदरांजली वाहण्यात आली.
इंदिरा गांधी यांची जयंती देशभरात ‘राष्ट्रीय एकात्मता दिन’ म्हणून साजरी केली जाते. या दिनाचे औचित्य साधून महापालिकेच्या अधिकारी आणि कर्मचाऱ्यांनी राष्ट्रीय एकात्मतेची सामूहिक शपथ घेतली. जनता संपर्क अधिकारी प्रफुल्ल पुराणिक यांनी या शपथेचे वाचन केले:
“आम्ही हिंसाचाराचा कधीही अवलंब करणार नाही. धार्मिक, भाषिक किंवा प्रादेशिक मतभेद व तंटे तसेच राजकीय व आर्थिक गाऱ्हाणी ही शांततामय आणि संवैधानिक मार्गाने सोडविण्याचा प्रयत्न चालू ठेवू.”
या अभिवादन प्रसंगी उपमहापौर शर्मिला बाबर, अतिरिक्त आयुक्त विक्रांत बगाडे, उपायुक्त अण्णा बोदडे, कार्यकारी अभियंता जाहिरा मोमीन, जनता संपर्क अधिकारी प्रफुल्ल पुराणिक यांच्यासह महानगरपालिकेचे विविध विभागांचे अधिकारी आणि कर्मचारी मोठ्या संख्येने उपस्थित होते.
© २०२६ मॅक्स मंथन डेली न्यूज. सर्व हक्क राखीव.


