महासंघाच्या २७ वर्षांच्या परंपरेतून वारकऱ्यांना ‘आधार’: पिंपरी महापालिका कर्मचाऱ्यांकडून पालखीचे उत्साहात स्वागत!

पिंपरी-चिंचवड मनपा कर्मचारी महासंघाकडून संत तुकाराम महाराज पालखीचे २७ वर्षांची परंपरा राखत भव्य स्वागत!

५ टन बुंदी आणि १५ हजार घोंगट्यांचे वाटप; आमदार शंकर जगताप यांच्यासह अनेक मान्यवर उपस्थित!

पिंपरी, २० जून २०२५ (मॅक्स मंथन डेली न्यूज): पिंपरी-चिंचवड शहराची ‘वारकऱ्यांचे शहर’ अशी ओळख सार्थ ठरवत, आज सकाळी पिंपरी चिंचवड महानगरपालिका कर्मचारी महासंघाच्या वतीने संतश्रेष्ठ तुकाराम महाराज यांच्या पालखीचे महापालिका मुख्य इमारतीसमोर मोठ्या उत्साहात आणि भक्तीभावाने स्वागत करण्यात आले. गेल्या २७ वर्षांपासून अखंडितपणे जपली जाणारी ही परंपरा यंदाही मोठ्या दिमाखात पार पडली.

सेवा आणि आदरातिथ्याची अनोखी परंपरा

आज सकाळी ०६.३० वाजतापासून ते सकाळी १०.०० वाजेपर्यंत महासंघाच्या वतीने तब्बल ५ टन बुंदी आणि १५,००० घोंगट्यांचे (कांबळे) वाटप करण्यात आले. पिंपरी-चिंचवड हे वारकऱ्यांचे शहर असल्याने आणि महानगरपालिकेत वारकऱ्यांची मुले स्थापनेपासून कार्यरत असल्याने, ‘आपणही समाजाचे काही देणे लागतो’ या भावनेतून गेल्या २७ वर्षांपासून आपल्या महानगरपालिकेच्या दारावरून जाणाऱ्या प्रत्येक वारकऱ्यांचे मनोभावे स्वागत केले जाते. त्यांना दरवर्षी वेगवेगळ्या पद्धतीने मदत केली जाते. यंदाही त्यांना अन्नदान, औषधोपचार आणि विविध योजनांतर्गत स्वागत करण्यात आले. पिंपरी चिंचवड कर्मचारी महासंघाचे अध्यक्ष बबनराव झिंजुर्डे यांनी ही सेवाभावी परंपरा कायम ठेवली आहे. बबनराव झिंजुर्डे हे नेहमीच स्वतः पिंपरी चिंचवड महानगरपालिकेतील कर्मचाऱ्यांसाठी झटत असतात, तसेच त्यांच्या सुखदुःखामध्ये सहभागी होत असतात.

मान्यवरांची उपस्थिती आणि कौतुक

यावेळी चिंचवड विधानसभेचे आमदार शंकर जगताप, महापालिका अतिरिक्त आयुक्त तृप्ती सांडभोर, पिंपरी चिंचवड महापालिका कर्मचारी महासंघाचे अध्यक्ष बबनराव झिंजुर्डे, महापालिका जनता संपर्क अधिकारी प्रफुल्ल पुराणिक, कार्यकारी अभियंता विजय भोजने, वैद्यकीय अधिकारी डॉ. वर्षा घोगरे, उपअभियंता अभिमान भोसले, महासंघाचे उपाध्यक्ष मनोज माछरे, खजिनदार नितीन समगीर, महादेव बोत्रे, मंगेश कल्हापुरे, विजय मुंढे, वैभव देवकर, चारुशीला जोशी, विजया कांबळे, सनी कदम, अभिषेक फुगे, नथा मातेरे, शिवाजी येळवंडे, विशाल भुजबळ, दत्ता ढगे, आबा गोरे, विश्वनाथ लांडगे, अनिल लखन, विशाल बाणेकर, प्रथमेश जाधव, युवानेते अक्षय माछरे इत्यादी अधिकारी, संघटनेचे पदाधिकारी व असंख्य कर्मचारी उपस्थित होते.

पिंपरी चिंचवड महापालिका कर्मचारी महासंघाच्या वतीने गेली २७ वर्षांपासून ही परंपरा चालविली जात असल्याची माहिती महासंघाचे अध्यक्ष बबन झिंजुर्डे यांनी दिली, ज्यामुळे या उपक्रमाची सातत्यपूर्णता आणि महत्त्व अधोरेखित होते.

© २०२५ मॅक्स मंथन डेली न्यूज. सर्व हक्क राखीव.