संविधान दिनानिमित्त मोहननगरमध्ये विद्यार्थ्यांची जनजागृती; चिमुकल्यांनी ‘बोलीभाषेतून’ पटवले संविधानाचे महत्त्व

‘श्रीमती लिलाबाई खिंवसरा’ शाळेच्या विद्यार्थ्यांनी गाय-वासरू चौकात सादर केले पथनाट्य; नगरसेविका मिनलताई यादव यांची उपस्थिती

पिंपरी चिंचवड प्रतिनिधी बालाजी नवले, दि. २८ नोव्हेंबर २०२५, मॅक्स मंथन डेली न्यूज:

श्रीमती लिलाबाई खिंवसरा मुले प्राथमिक शाळा, मोहननगर, चिंचवड स्टेशन, पुणे ४११ ०१५ येथे ७५ वा संविधान दिवस (Constitution Day) अतिशय उत्साहात आणि प्रबोधनात्मक वातावरणात साजरा करण्यात आला. दि. २६ नोव्हेंबर २०२८ रोजी आयोजित केलेल्या या कार्यक्रमात विद्यार्थ्यांच्या पथनाट्य (Street Play) आणि शोभायात्रेने (Procession) परिसर दणाणून गेला.

 यावेळी इयत्ता १ ली ते ५ वी पर्यंतच्या विद्यार्थ्यांनी मोहननगर येथील गाय-वासरू चौकात संविधान जागृतीवर आधारित प्रभावी पथनाट्य सादर केले. विशेष म्हणजे, चिमुकल्या विद्यार्थ्यांनी संविधानाचे महत्त्व जमलेल्या सर्व नागरिकांना त्यांच्या बोलीभाषेतून अगदी सोप्या पद्धतीने पटवून दिले. यामुळे संविधानातील मुलभूत तत्त्वे सामान्य नागरिकांपर्यंत सहज पोहोचली.

या कार्यक्रमाला मा. नगरसेविका मिनलताई यादव, दामिनी पथक, शाळेच्या मुख्याध्यापिका सौ. आशा निचल आणि मुख्याध्यापक पी.सी.एम.सी. पब्लिक स्कूल श्रीमती लिलाबाई कांतीलाल खिंवसरा प्राथ. शाळा मोहननगर मुले चिंचवड, पुणे-१९ यांच्यासह शाळेतील सर्व शिक्षक-कर्मचारी उपस्थित होते.

संविधान दिनाच्या या कार्यक्रमात विशेष शिक्षक मनिषा टिळेकर, रोहिणी दिवेकर, कनिना लांडगे, सतिश पाटील, बालवाडी ताई मीलाना केंगते आणि सर्व कर्मचारी यांनी सहभाग घेतला.

या उपक्रमामुळे विद्यार्थ्यांमध्ये आणि नागरिकांमध्ये भारतीय संविधानाविषयी अधिक आदर आणि जागरूकता वाढण्यास मदत झाली आहे.

© २०२५ मॅक्स मंथन डेली न्यूज. सर्व हक्क राखीव.