विश्वमित्र ते विश्वगुरू कडे वाटचाल: अविनाश धर्माधिकारी यांचा विराट हिंदू मेळाव्यात सूर
जागतिक योग आणि ध्यान दिवसामुळे भारताची संस्कृती जगभर वाढत आहे; रामराजे बेंबडे यांना ‘समाज भूषण’, तर डॉ. विश्वास मोरे यांना ‘पत्रकार भूषण’ पुरस्कार प्रदान.
पिंपरी-चिंचवड, पुणे , प्रतिनिधी बालाजी नवले, दि. ऑक्टोबर , मॅक्स मंथन डेली न्यूज:
जागतिक योग दिवस (२१ जून) आणि ध्यान दिवस (२१ डिसेंबर) जगाने मान्य करणे, ही भारताची ‘विश्वमित्र ते विश्वगुरू’ कडे सुरू झालेली वाटचाल आहे. भारताला जागतिक स्तरावर भूमिका बजावायची असेल तर प्रथम स्वयंपूर्ण आणि सक्षम व्हावे लागेल, असे प्रतिपादन निवृत्त सनदी अधिकारी अविनाश धर्माधिकारी यांनी केले.
हिंदू स्वाभिमान प्रतिष्ठानच्या वतीने रविवारी (दि. ऑक्टोबर) काळेवाडी, पिंपरी येथील आरंभ बँक्वेट हॉलमध्ये हिंदू शौर्य दिन, नवरात्र उत्सव आणि विजयादशमीचे औचित्य साधून आयोजित “विराट हिंदू मेळावा आणि पुरस्कार वितरण” सोहळ्यात ते ‘भारत, विश्वमित्र ते विश्वगुरू’ या विषयावर बोलत होते.
मेळाव्याचे उद्घाटन संस्थेचे अध्यक्ष कृष्णकुमार गोयल यांच्या हस्ते झाले. यावेळी संस्थेचे उपाध्यक्ष व माजी नगरसेवक राजाभाऊ गोलांडे, राजेंद्र गावडे, कुमार जाधव, बाबा त्रिभुवन, महाराष्ट्र आर्य प्रतिनिधी सभेचे मंत्री अर्जुन सोमवंशी, व्यंकटेश हलिंगे, सुरेश भोईर, सविता नाणेकर, ऋषिकेश नाणेकर, दिशा सोशल फाउंडेशनचे कार्याध्यक्ष सचिन साठे, जयंत शोले, हरेश नखाते, नरेंद्र कुलकर्णी, गोपाळ माळेकर, गतीराम भोईर, सुदामराव मोरे, भास्कर रिकामे, महेश बारसावडे, तानाजी ऐकांडे, रवींद्र देशपांडे आदी उपस्थिती होते.
पुरस्कारांनी सन्मान
या सोहळ्यात विविध क्षेत्रांत उल्लेखनीय कार्य करणाऱ्या मान्यवरांना पुरस्कार प्रदान करण्यात आले:
धर्माधिकारींच्या भाषणाचे महत्त्वाचे मुद्दे
- भारतीय संस्कृतीचा गौरव: भारताचा विचार व संस्कृती जगभर वाढत आहे. भारतातील बहु विविधता हीच येथील एकतेचे यश आहे. विश्वाच्या कल्याणाची प्रार्थना करणे म्हणजे भारतीय संस्कृती होय. यामध्ये मानवासह सर्व प्राणी, निसर्ग आणि प्रत्येक चल-अचल जीवाच्या कल्याणाची प्रार्थना केली जाते.
- विश्वगुरूची संकल्पना: विश्वमित्र व विश्वगुरू ही केवळ राजकीय संज्ञा नाही, तर सर्वांना एकत्र घेऊन समर्थ राष्ट्र म्हणून पुढे जाण्याची संकल्पना आहे.
- मेकॉले शिक्षण पद्धतीवर टीका: मेकॉलेच्या शिक्षण पद्धतीमुळे आपली संस्कृती विकृत करून शिकवली जात आहे.
- सनातनी विचार: वेदकाळापासून सनातन विचारातून सत्य एकच आहे, हे सांगितले जाते. ईश्वराला अल्ला म्हणा किंवा गॉड म्हणा, तो एकच आहे. सर्व धर्मांची जननी हिंदू धर्म आहे.
प्रतिष्ठानचे अध्यक्ष कृष्णकुमार गोयल यांनी, संस्कृती आणि धर्म टिकवून तो पुढच्या पिढीत रुजवण्यासाठी हिंदू स्वाभिमान प्रतिष्ठान कार्य करत असल्याचे सांगितले. सध्या सोशल मीडियावर हिंदू धर्मावर होणाऱ्या चुकीच्या टीका रोखण्यासाठी नागरिकांनी पुढे यावे, असे आवाहनही त्यांनी केले.
कार्यक्रमाच्या यशस्वी आयोजनात राजाभाऊ गोलांडे, उत्तम दंडीमे, कैलास बारणे, सुहास पोफळे , दत्तात्रय सूर्यवंशी, अतुल आचार्य, सुरेश भोईर, नामदेव शिंत्रे, विजय गुंजाळ, दिगंबर रिद्धिवाडे, हेमदेव थापर, मनोज बोरसे, शिवाजी रेड्डी, दिलीप कुलकर्णी, रमेश अर्धाले, गोविंद बोळे, अलका आर्य, तेजस्विनी जटाळ यांच्यासह अनेकांनी सहभाग घेतला.
© मॅक्स मंथन डेली न्यूज. सर्व हक्क राखीव.
