शिक्षण मंडळाच्या सेवा आता ‘ऑनलाईन’: विद्यार्थी-पालकांसाठी महत्त्वपूर्ण सूचना!
महाराष्ट्र लोकसेवा हक्क अधिनियम २०१५ अंतर्गत सुविधा; द्वितीय गुणपत्रक ते उत्तरपत्रिकांच्या छायांकित प्रतीसाठी कालावधी निश्चित.
अमरावती, प्रतिनिधी अविनाश वानखेडे, दि. ऑक्टोबर , मॅक्स मंथन डेली न्यूज:
महाराष्ट्र राज्य माध्यमिक व उच्च माध्यमिक शिक्षण मंडळाने महाराष्ट्र लोकसेवा हक्क अधिनियम अंतर्गत विद्यार्थ्यांना देण्यात येणाऱ्या पाच सेवा आता ऑनलाईन स्वरूपात उपलब्ध केल्या आहेत. या सेवांसाठी लागणारा कालावधी आणि संबंधित अधिकारी यांचा तपशील जाहीर करण्यात आला आहे, जेणेकरून विद्यार्थ्यांना वेळेत सेवा मिळू शकतील.
ऑनलाईन अधिसूचित सेवा आणि कालावधी
मंडळाने जाहीर केलेल्या अधिसूचित सेवा आणि त्यांना लागणारा कालावधी खालीलप्रमाणे आहे:
सेवा संबंधित अधिकारी
या अधिसूचित सेवांशी संबंधित अधिकाऱ्यांची पदानुक्रम रचना निश्चित करण्यात आली आहे, ज्यामुळे सेवा वेळेत न मिळाल्यास पुढील कार्यवाही करता येईल:
- पदनिर्देशित अधिकारी: संबंधित विभागीय मंडळाचे विभागीय सचिव.
- प्रथम अपीलीय अधिकारी: संबंधित मंडळाचे विभागीय अध्यक्ष.
- द्वितीय अपीलीय अधिकारी: राज्य मंडळाचे अध्यक्ष.
सर्व विद्यार्थी, पालक आणि नागरिकांनी अधिक माहितीसाठी राज्य मंडळाच्या www.mahahsscboard.in या अधिकृत संकेतस्थळाला भेट देऊन ऑनलाईन सेवांचा लाभ घ्यावा, असे आवाहन पुणे राज्यमंडळाचे सहसचिव प्रमोद गोफने यांनी केले आहे.
© मॅक्स मंथन डेली न्यूज. सर्व हक्क राखीव.
