केएसबी लिमिटेडची तिसऱ्या तिमाहीत विक्रमी कामगिरी; विक्री ६५० कोटींच्या जवळ, ५.४% वाढीची नोंद!

पॉवर प्लांट, एक्स्पोर्ट आणि सोलर पंप प्रकल्पांमुळे व्यवसायाला बळ; ‘ग्रेट प्लेस टू वर्क’ मानांकनही प्राप्त.

पुणे, दि. १८ नोव्हेंबर २०२५, मॅक्स मंथन डेली न्यूज:

पंप व वाल्व निर्मिती क्षेत्रातील जागतिक अग्रगण्य कंपनी केएसबी लिमिटेडने जुलै ते सप्टेंबर २०२५ या तिसऱ्या तिमाहीचे मजबूत निकाल जाहीर केले आहेत. विविध महत्त्वपूर्ण प्रकल्पांचे करार आणि मजबूत ऑपरेशनल कामगिरीमुळे कंपनीने विक्रीत लक्षणीय वाढ नोंदवली आहे.

तिमाहीतील आर्थिक ठळक बाबी (Q3 2025):

• विक्री मूल्य: ₹६४९.६ कोटी (गतवर्षीपेक्षा ५.४% वाढ).

• पहिल्या तीन तिमाहींची एकूण विक्री: ₹१,९११.७ कोटी (वर्षा-वर्ष तुलनेत ५.८% वाढ).

• PBT (करापूर्वीचा नफा): ₹८७.८ कोटी (PBT मार्जिन १३.५%).

• इतर उत्पन्न: ₹१८.५ कोटी.

• एकूण खर्च: ₹५८०.३ कोटी.

तिसऱ्या तिमाहीत केएसबी लिमिटेडला ऊर्जा, रिफायनरी आणि पायाभूत सुविधा क्षेत्रातील अनेक महत्त्वाचे करार प्राप्त झाले, ज्यामुळे विक्रीत वाढ झाली:

• पॉवर प्लांट: मोठ्या पॉवर प्लांट प्रकल्पासाठी ₹५.३३ कोटींचा करार.

• निर्यात (Export): अमेरिकातील एका आघाडीच्या सुविधेसाठी ₹५३.६ कोटींचा एक्स्पोर्ट ऑर्डर.

• सोलर पंप: राज्य सरकारच्या उपक्रमाखाली ₹३४.४ कोटींच्या सोलर पंप प्रकल्पाचे काम.

• खाण व ऊर्जा: राजस्थानातील खाण व ऊर्जा क्षेत्रांसाठी ₹६.५ कोटींचे अत्याधुनिक पंप सोल्यूशन्स.

• कार्बन फायबर प्रकल्प: गुजरातमधील देशातील पहिले व जगातील मोठे असलेल्या कार्बन फायबर प्रकल्पासाठी ₹५.६ कोटींचा करार.

• रिफायनरी: आसाम येथील रिफायनरीसाठी ₹५.८ कोटींचे रेसिप्रोकेटिंग पंप मिळाले.

कंपनीच्या तांत्रिक प्रगतीची नोंद घेत, Etanorm FXM पंपला FM Approval मिळाले आहे, ज्यामुळे फायअर फायटिंग पंप मार्केटमध्ये नवीन संधी निर्माण झाल्या आहेत. तसेच, KSB Foundry ला NORSOK Phase-1 सर्टिफिकेशन मिळाल्यामुळे मध्य पूर्वेत नवी बाजारपेठ खुली झाली आहे. कंपनीला Great Place to Work सर्टिफिकेशनही मिळाले आहे, जे ८९% सकारात्मक कर्मचारी अभिप्राय दर्शविते.

प्रशांत कुमार (उपाध्यक्ष, सेल्स व मार्केटिंग) म्हणाले, “ऊर्जा, पॉवर, खाण तसेच रिफायनरी क्षेत्रातील मोठे प्रकल्प मिळाल्यामुळे या वर्षीची आमची कामगिरी उल्लेखनीय ठरली आहे. नवनवीन बाजारपेठांमध्ये प्रवेश, तांत्रिक नवकल्पना आणि मजबूत ग्राहकविश्वास यामुळे आमची वाढ अधिक बळकट झाली आहे.”

महेश भावे (मुख्य वित्त अधिकारी) म्हणाले, “खर्च नियंत्रण, ऑपरेशनल कार्यक्षमता आणि शाश्वतता उपक्रमांमुळे आम्ही नफा आणि स्थिरता कायम ठेवली आहे. २०२५ मध्ये आमचा पहिला ‘Sustainability Report’ प्रकाशित करून ESG (पर्यावरण, सामाजिक आणि प्रशासन) बाबतीत महत्त्वपूर्ण पाऊल उचलले आहे.”

१९६० मध्ये भारतात स्थापन झालेली केएसबी लिमिटेड ही पंप, वाल्व आणि विविध द्रव वहन प्रणालींच्या निर्मितीमध्ये जागतिक अग्रणी आहे. कंपनी पॉवर, तेल-उद्योग, बिल्डिंग सर्व्हिसेस, वॉटर ट्रीटमेंट आणि इतर औद्योगिक क्षेत्रांसाठी अत्याधुनिक उपाय पुरवते. २०२४ मध्ये KSB समूहाचा जागतिक व्यवसाय जवळपास ३ अब्ज युरो इतका होता.

© २०२५ मॅक्स मंथन डेली न्यूज. सर्व हक्क राखीव.