शोध पत्रकारितेचा बुलंद आवाज; पत्रकार विकास शिंदे यांचा पिंपरी-चिंचवडमध्ये गौरवपूर्ण वाढदिवस साजरा

पिंपरी प्रतिनिधी शाम सोनवणे, ५ फेब्रुवारी २०२६ | मॅक्स मंथन डेली न्यूज:

पिंपरी-चिंचवड : शोध पत्रकारितेच्या माध्यमातून प्रशासकीय कामकाजातील त्रुटींवर बोट ठेवून सर्वसामान्यांचे प्रश्न मांडणारे ‘सिविक मिरर’चे प्रतिनिधी विकास शिंदे यांचा वाढदिवस आज उत्साहात साजरा करण्यात आला. PC CITY PRO आणि पिंपरी-चिंचवड शहर पत्रकार संघाच्या वतीने महानगरपालिकेतील भा.वी. कांबळे पत्रकार कक्षात केक कापून हा सोहळा पार पडला. यावेळी त्यांना भारतीय संविधानाची प्रत भेट देऊन सन्मानित करण्यात आले.

यावेळी ‘PC CITY PRO’ चे मुख्य सुरज साळवे यांनी एक महत्त्वाची घोषणा केली. “पत्रकार हा लोकशाहीचा चौथा स्तंभ आहे. समाजातील अन्यायाला वाचा फोडणाऱ्या शहरातील मुख्य प्रवाहातील पत्रकारांचा वाढदिवस यापुढे PC CITY PRO व शहर पत्रकार संघाच्या वतीने नियमितपणे साजरा केला जाईल,” अशी भूमिका त्यांनी मांडली.

ज्येष्ठ पत्रकार बापूसाहेब गोरे यांनी विकास शिंदे यांच्या कामाचे कौतुक करताना सांगितले की, “विकास शिंदे यांनी शोध पत्रकारितेला नवी दिशा दिली आहे. महानगरपालिकेतील ‘बातमीच्या मागील बातमी’ शोधण्याचे त्यांचे कौशल्य तरुण पत्रकारांसाठी आदर्श आहे.” त्यांच्या लेखणीतून समाजातील अन्यायग्रस्तांना असाच न्याय मिळत राहावा, अशी सदिच्छाही त्यांनी व्यक्त केली.

या स्नेहसोहळ्याला ज्येष्ठ पत्रकार प्रवीण शिर्के, विकास गायकांबळे, मॅक्स मंथन डेली न्यूजचे प्रतिनिधी शाम सोनवणे, सायली कुलकर्णी, शहनाज कुरणे, दिलीप देहाडे, संतोष जरड, युनूस खतीब, मुकेश जाधव, गणेश शिंदे, निलेश सायंकर आणि पंकज लालझरे यांच्यासह अनेक पत्रकार बांधव उपस्थित होते.

कार्यक्रमाच्या शेवटी विकास शिंदे यांनी सर्वांचे आभार मानले. पत्रकारितेच्या क्षेत्रातील या नव्या उपक्रमामुळे शहर पत्रकारांमध्ये आनंदाचे वातावरण आहे.

© २०२६ मॅक्स मंथन डेली न्यूज. सर्व हक्क राखीव.