लाडशाखीय वाणी समाजाचा ‘वर परिचय’ मेळावा थेरगावात! मुख्यमंत्री आणि केंद्रीय मंत्र्यांकडून उपक्रमाचे कौतुक; २१ मार्च रोजी आयोजन

पिंपरी चिंचवड प्रतिनिधी: बालाजी नवले, १६ मार्च २०२६ | मॅक्स मंथन सामाजिक:

पुणे/थेरगाव : समाजातील विवाहयोग्य युवक-युवती आणि त्यांच्या पालकांना एकाच व्यासपीठावर आणून परिचय करून देण्याच्या उद्देशाने, लाडशाखीय वाणी समाजाच्या वतीने शनिवार, दि. २१ मार्च २०२६ रोजी भव्य ‘वर परिचय संमेलना’चे आयोजन करण्यात आले आहे. या अनोख्या उपक्रमास मुख्यमंत्री देवेंद्र फडणवीस आणि केंद्रीय राज्यमंत्री मुरलीधर मोहोळ यांनी शुभेच्छा पत्र पाठवून आयोजक समितीचे कौतुक केले आहे.

खानदेश आणि बागलाण परिसरातून उद्योग-व्यवसायानिमित्त महाराष्ट्रभर पसरलेला हा समाज आता उच्च शिक्षणासाठी शहरांकडे वळला आहे. ग्रामीण भागातील पालकांना आपल्या मुलीसाठी पुण्यात नोकरी किंवा व्यवसाय असलेला मुलगा हवा असतो. मात्र, पुण्यात जाऊन स्थळ शोधणे हे वेळ आणि पैशाच्या दृष्टीने खर्चिक असते. पालकांची हीच अडचण ओळखून पुणे (थेरगाव) येथे या मेळाव्याचे आयोजन करण्यात आले आहे.

अनेकदा वधूंची उपस्थिती कमी असल्यामुळे मेळावे यशस्वी होत नाहीत. हे लक्षात घेऊन या संमेलनाचे नियोजन वैशिष्ट्यपूर्ण करण्यात आले आहे:

• थेट परिचय: उपवर मुले मंचावर आपली ओळख करून देतील.

• सुलभ संवाद: वधू आणि त्यांचे पालक मंचावरील वर बघून आणि माहिती पुस्तिकेच्या आधारे जागेवरच प्राथमिक निर्णय घेऊन संवाद साधू शकतील.

• खर्च व वेळेची बचत: एकाच छताखाली शेकडो स्थळांची माहिती उपलब्ध होणार असल्याने पालकांची वणवण थांबणार आहे.

कार्यक्रमाचा तपशील :

• स्थळ: स्व. शंकरराव गावडे कामगार सभागृह, थेरगाव, पुणे.

• दिनांक: शनिवार, २१ मार्च २०२६.

• वेळ: सकाळी ९:०० ते सायंकाळी ५:००.

• नोंदणी: नाव नोंदणी केलेल्या उपवधू-वरांना संमेलनात मोफत प्रवेश दिला जाणार आहे.

प्रमुख मार्गदर्शक मनोज ब्राह्मणकर यांच्या मार्गदर्शनाखाली अध्यक्ष राजेंद्र महालपूरे, कार्याध्यक्ष नितीन देव, उपाध्यक्ष नितीन वाणी, योगेश मोराणकर, सचिव किशोर ब्राह्मणकर आणि इतर पदाधिकारी हे संमेलन यशस्वी करण्यासाठी परिश्रम घेत आहेत. प्रसिद्धी प्रमुख सोपान पितृभक्त यांनी समाजातील जास्तीत जास्त पालकांनी आपल्या पाल्यांसह उपस्थित राहण्याचे आवाहन केले आहे.

© २०२६ मॅक्स मंथन डेली न्यूज. सर्व हक्क राखीव।