नवनियुक्त पीएसआय राजूभाऊ वानखडे यांचे सिद्धार्थ नगरवासियांकडून जल्लोषात स्वागत.
अकोला / मुर्तिजापूर प्रतिनिधी विलास सावळे, २९ एप्रिल २०२६ मॅक्स मंथन डेली न्यूज:
मुर्तीजापूर: येथील पोलीस ठाण्यात पोलीस उपनिरीक्षक (PSI) पदी नियुक्त झालेले राजूभाऊ वानखडे यांचा सिद्धार्थ नगर येथील नागरिकांच्या वतीने नुकताच जंगी सत्कार करण्यात आला. राजूभाऊंची मुर्तीजापूर येथे नियुक्ती झाल्याबद्दल स्थानिक रहिवाशांनी आनंद व्यक्त करत या छोटेखानी स्वागत समारंभाचे आयोजन केले होते.
मरी माता मंदिर परिसरात रविभाऊ बाळकृष्ण वाकपांजर यांच्या पुढाकाराने हा कार्यक्रम पार पडला. यावेळी मान्यवरांच्या हस्ते राजूभाऊंचे पुष्पगुच्छ देऊन स्वागत करण्यात आले. पोलीस दलातील एका कर्तव्यदक्ष अधिकाऱ्याची आपल्या शहरात नियुक्ती झाल्याने नागरिकांनी समाधान व्यक्त केले.
या स्वागत समारंभाप्रसंगी परिसरातील प्रतिष्ठित नागरिक मनोज माणिकचंद अग्रवाल, श्यामभाऊ बोरकर, प्रमोद गावंडे, सय्यद इस्तेहात मानावाले, अशोक लोंढे, नरसिंग चावरे, सुरज तिवारी, शेख महमूद, शेख जब्बार, मनोज अग्रवाल, श्रीधर अग्रवाल, मनोज द्वारकादास अग्रवाल, अजय अग्रवाल, संजय माने, पिंटू येदवर, शाम येरडावकर, प्रल्हाद मडावी, बन्सीलाल तिवारी, नटवरलाल प्रजापती, माणिकलाल अग्रवाल, शेख रफिक, भय्यू बैसवाल, संजय गोरे, गोलू बुंदिले यांच्यासह बहुसंख्येने नागरिक उपस्थित होते.
राजूभाऊ वानखडे जरी सिद्धार्थ नगरचे रहिवासी नसले, तरी त्यांच्याबद्दल असलेल्या आदरापोटी आणि मुर्तीजापूर पोलीस दलात अधिकारी म्हणून रुजू झाल्याबद्दल स्थानिक बच्चे कंपनी आणि ज्येष्ठ नागरिकांनी मोठ्या उत्साहात सहभागी होऊन त्यांचे अभिनंदन केले. या सत्काराबद्दल पीएसआय राजूभाऊ वानखडे यांनी सर्वांचे आभार मानले.
© २०२६ मॅक्स मंथन डेली न्यूज. सर्व हक्क राखीव.
