पिंपरी चिंचवड: पंप, व्हॉल्व्ह आणि प्रगत सिस्टीम्स क्षेत्रातील जागतिक अग्रगण्य असणाऱ्या केएसबी लिमिटेड (KSB Limited) या कंपनीने आर्थिक वर्ष २०२६ च्या दुसऱ्या तिमाहीत (Q2) अत्यंत दमदार कामगिरी करत व्यवसायात सातत्यपूर्ण वाढ नोंदवली आहे. या तिमाहीत कंपनीने तब्बल ₹६९०.७० कोटींची विक्री (Sales) केली आहे. देशातील विविध औद्योगिक आणि महत्त्वपूर्ण पायाभूत सुविधा क्षेत्रांतून मोठ्या ऑर्डर्स प्राप्त झाल्यामुळे आगामी काळात कंपनीच्या व्यवसायाला अधिक मोठी चालना मिळणार आहे.

या दुसऱ्या तिमाहीत केएसबी लिमिटेडने अनेक राष्ट्रीय आणि महत्त्वपूर्ण पायाभूत सुविधा प्रकल्पांच्या ऑर्डर्स पटकावल्या आहेत. गदरवारा ऊर्जा प्रकल्पासाठी पहिली ‘LUV पंप’ ऑर्डर, कैगा अणुऊर्जा प्रकल्पासाठी शटडाउन कूलिंग पंप, आणि एनटीपीसीच्या (NTPC) नबीनगर व गदरवारा प्रकल्पांसाठी हाय-प्रेशर (HP) व्हॉल्व्ह पॅकेजची ऑर्डर. दिल्ली मेट्रोच्या HVAC पंप प्रकल्पाची भव्य ऑर्डर, आगामी नाशिक कुंभमेळा जलसुविधा प्रकल्प आणि डेटा सेंटर्ससाठी लागणाऱ्या सिस्टीम्स. महावितरणकडून २००० सौर पंपांसाठी ‘लेटर ऑफ इंटेंट’ (LoI) आणि पवनऊर्जा क्षेत्रातील पहिली कूलिंग पंप ऑर्डर प्राप्त. कंपनीच्या या उत्कृष्ट कामगिरीवर बोलताना उपाध्यक्ष (विक्री व विपणन) श्री. प्रशांत कुमार म्हणाले की, “विविध क्षेत्रांतून एकाच वेळी मिळालेल्या या ऑर्डर्समुळे ग्राहकांचा केएसबी लिमिटेडच्या तंत्रज्ञानावर आणि सेवांवर असलेला विश्वास अधिक दृढ झाला आहे.”

तर मुख्य वित्त अधिकारी (CFO) श्री. महेश भावे यांनी सांगितले की, “कंपनीच्या महसुलात सातत्याने सकारात्मक वाढ होत आहे. आगामी काळातही कार्यक्षमता वाढवणे आणि खर्च नियंत्रणावर (Cost Control) भर देऊन नफा वाढवण्यावर कंपनीचे मुख्य लक्ष केंद्रित राहील.”

देशभरात औद्योगिक आणि पायाभूत सुविधा (Infrastructure) क्षेत्रात मोठ्या प्रमाणावर होत असलेल्या गुंतवणुकीमुळे आगामी काळातही केएसबी लिमिटेडला मोठ्या ऑर्डर्स मिळण्याची शक्यता आहे. या यशामुळे भागधारक आणि ग्राहकांमध्ये उत्साहाचे वातावरण आहे.