पुणे / पिंपरी: राष्ट्रीय काँक्रीट दिन व अभियंता दिनानिमित्त आयोजित दोन दिवसीय भव्य प्रदर्शन आणि सोहळा २०२६ चा आज अनंतराव पवार कॉलेज ऑफ इंजिनिअरिंग अँड रिसर्च (APCOER), पर्वती, पुणे येथे अत्यंत उत्साहात शुभारंभ झाला. “काँक्रीटमधील नवकल्पनांच्या माध्यमातून शाश्वत भारताची उभारणी” या मध्यवर्ती संकल्पनेवर आधारित असलेल्या या कार्यक्रमास ३,००० हून अधिक विद्यार्थी, व्यावसायिक अभियंते, उद्योग प्रतिनिधी आणि राष्ट्रीय-आंतरराष्ट्रीय कंपन्यांचे प्रतिनिधी उपस्थित होते.

या कार्यक्रमाच्या उद्घाटन समारंभास प्रमिला गायकवाड (सरचिटणीस, ABMSP, पुणे) या प्रमुख पाहुण्या म्हणून उपस्थित होत्या. या वेळी डॉ. हनुमंत धुमाळ (कार्यकारी संचालक, MKVDC, जलसंपदा विभाग), डॉ. सौ. सुषमा कुलकर्णी (Principal Advisor, MIT-WPU), धैर्यशील वांडेकर (खजिनदार, ABMSP), ॲड. भगवानराव साळुंखे (खजिनदार, ABMSP), प्रदीप वाल्हेकर (अध्यक्ष, पुणे RMC असोसिएशन), अभियंता युसूफ ए. एस. इनामदार (प्रमुख संयोजक, राष्ट्रीय काँक्रीट दिन कार्यक्रम), डॉ. सचिन काटे (सचिव, पुणे RMC असोसिएशन) यांच्यासह ICI, IGS, MBVA व इतर संस्थांचे प्रतिनिधी उपस्थित होते.

विद्यार्थ्यांना ग्रीन काँक्रीटसह विविध काँक्रीटच्या तंत्रज्ञानाचा प्रत्यक्ष अनुभव मिळावा, तसेच त्यांच्या कौशल्याला वाव मिळावा यासाठी विशेष तांत्रिक स्पर्धा आणि प्रोजेक्ट्सचे प्रदर्शन आयोजित करण्यात आले आहे. या सोहळ्यात १०० हून अधिक अभियांत्रिकी महाविद्यालयांतील ३,००० हून अधिक विद्यार्थ्यांनी भाग घेतला असून, त्यांना उद्योग क्षेत्रातील तज्ज्ञ व वरिष्ठ व्यावसायिकांशी थेट संवाद साधण्याची संधी उपलब्ध झाली आहे.

उद्घाटन समारंभानंतर मान्यवरांच्या हस्ते प्रदर्शनाचे औपचारिक उद्घाटन करण्यात आले. या प्रदर्शनात भारतातील तसेच आंतरराष्ट्रीय स्तरावरील नामांकित कंपन्या सहभागी झाल्या असून, खालील आधुनिक विषयांवरील प्रात्यक्षिके दाखवली जात आहेत:

हा सोहळा ११ सप्टेंबर २०२६ रोजीही सुरू राहणार असून, यामध्ये तांत्रिक सत्रे, विद्यार्थ्यांच्या स्पर्धा, उद्योग संवाद आणि पारितोषिक वितरण समारंभाचे आयोजन करण्यात आले आहे.