चॅलेंजर पब्लिक स्कूलमध्ये आंतरराष्ट्रीय योग दिनाचा जल्लोष: ‘योग करा, रोग टाळा आणि आनंदी जीवन जगा’चा संदेश!
विद्यार्थी, पालक, शिक्षकांचा उत्स्फूर्त सहभाग; योगाचे शारीरिक-मानसिक फायदे समजावून देत निरोगी जीवनाचे आवाहन!
पिंपळे सौदागर, दि. २२ जून २०२५ (मॅक्स मंथन डेली न्यूज): पिंपळे सौदागर येथील चॅलेंजर पब्लिक स्कूलमध्ये २१ जून रोजी आंतरराष्ट्रीय योग दिन मोठ्या उत्साहात आणि शिस्तबद्ध पद्धतीने साजरा करण्यात आला. या विशेष दिवशी विद्यार्थ्यांनी विविध योगासनांचे आकर्षक सादरीकरण करत निरोगी जीवनाचा संदेश दिला.
योगासनांचे प्रात्यक्षिक आणि मार्गदर्शन
कार्यक्रमाची सुरुवात प्रार्थनेने झाली आणि त्यानंतर विद्यार्थ्यांनी सूर्यनमस्कार, प्राणायाम व विविध योग क्रिया सादर केल्या. या वेळी शिक्षकवर्ग, शालेय कर्मचारी आणि पालकांचाही सहभाग उत्स्फूर्त होता, ज्यामुळे कार्यक्रमाला एक वेगळीच ऊर्जा मिळाली.
योग शिक्षिका प्रीती मुकाती यांनी योगाचे शारीरिक व मानसिक आरोग्यावर होणारे फायदे उपस्थितांना सोप्या भाषेत समजावून सांगितले. मुख्याध्यापिका सुविधा महाले यांनी योगाचे महत्त्व अधोरेखित करत विद्यार्थ्यांनी नियमित योगाभ्यासाचे जीवनात पालन करण्याचे आवाहन केले. शाळेचे संचालक संदीप काटे सरांनी विद्यार्थ्यांना ‘योग करा, रोग टाळा आणि आनंदी जीवन जगा’ असा प्रेरणादायी संदेश दिला, जो विद्यार्थ्यांनी मोठ्या उत्साहाने स्वीकारला.
मान्यवरांची उपस्थिती
यावेळी शाळेच्या उपसंचालिका अनिताताई काटे, शाळेचे डायरेक्टर निहारा काटे, लीना काटे, गणेश पवार, शिवराम लटपटे, शुभाष संकपाळ, सचिन जोशी, संदेश काटे, ऋषिकेश भगत, भास्कर निकम, राहुल अरमारकर, प्रकाश देवपूजारी आदी मान्यवर उपस्थित होते.
कार्यक्रमाच्या यशस्वी आयोजनाबद्दल सर्व शिक्षक आणि विद्यार्थ्यांचे अभिनंदन करण्यात आले. चॅलेंजर पब्लिक स्कूलने आयोजित केलेल्या या योग दिनाच्या कार्यक्रमामुळे विद्यार्थ्यांमध्ये आरोग्याविषयी जागरूकता वाढण्यास निश्चितच मदत झाली आहे.
© २०२५ मॅक्स मंथन डेली न्यूज. सर्व हक्क राखीव.
