समाजसुधारक श्री चक्रधरस्वामी यांना महापालिकेतर्फे अभिवादन
जयंतीनिमित्त अतिरिक्त आयुक्त तृप्ती सांडभोर यांनी वाहिली आदरांजली
२५ ऑगस्ट २०२५, मॅक्स मंथन डेली न्यूज:
पिंपरी, पिंपरी प्रतिनिधी शाम सोनवणे – महान समाजसुधारक श्री चक्रधरस्वामी यांच्या जयंतीनिमित्त पिंपरी-चिंचवड महानगरपालिकेतर्फे आदराने अभिवादन करण्यात आले. महापालिकेच्या पिंपरी येथील मुख्य प्रशासकीय इमारतीमध्ये श्री चक्रधरस्वामी यांच्या प्रतिमेला पुष्पहार अर्पण करून आदरांजली वाहण्यात आली.
साधेपणा, समता आणि मानवतेचा संदेश
महापालिकेच्या अतिरिक्त आयुक्त तृप्ती सांडभोर यांनी श्री चक्रधरस्वामी यांच्या प्रतिमेस पुष्पहार अर्पण करून अभिवादन केले. यावेळी विविध विभागांचे अधिकारी आणि कर्मचारी उपस्थित होते.
आपल्या संत जीवनातून श्री चक्रधरस्वामींनी साधेपणा, अध्यात्म आणि भक्तीचा संदेश दिला. त्यांनी समाजात समता व मानवतेची शिकवण दिली. त्यांचे हे विचार आजही तितकेच मार्गदर्शक आणि प्रेरणादायी आहेत. अशा महान व्यक्तिमत्त्वाच्या कार्याचे स्मरण करून त्यांचे विचार समाजामध्ये रुजविणे महत्त्वाचे आहे.
© 2025 मॅक्स मंथन डेली न्यूज. सर्व हक्क राखीव.
