माणुसकीचं दर्शन! पिंपरीमध्ये अपघातग्रस्त महिलेसाठी सामाजिक कार्यकर्ते सुहास कुदळे धावले, ‘हिट अँड रन’ चालकाला पकडले
भरधाव टेम्पोने महिलेला दिली जोरदार धडक; गंभीर जखमी झालेल्या महिलेचा जीव वाचला, नागरिकांकडून कुदळे यांचे कौतुक.
पिंपरी चिंचवड, प्रतिनिधी बालाजी नवले, सप्टेंबर , मॅक्स मंथन डेली न्यूज:
पिंपरी गावात शनिवारी, दिनांक रोजी दुपारी सुमारे वाजता घडलेल्या एका गंभीर अपघातात, सामाजिक कार्यकर्ते सुहास कुदळे यांनी दाखवलेल्या धाडसामुळे आणि माणुसकीमुळे ‘हिट अँड रन’ (Hit and Run) प्रकरणातील निर्दयी टेम्पोचालकाला पकडण्यात यश आले, तसेच गंभीर जखमी महिलेला तातडीने वैद्यकीय मदत मिळाली.
नेमकी घटना काय घडली?
पिंपरी गाव, कुदळे कॉलनी क्रमांक परिसरातील मुख्य रस्त्यावर एक महिला आपल्या मुलीला शाळेतून घरी घेऊन जाण्यासाठी ज्युपिटर दुचाकीवरून जात होती. त्याच वेळी भरधाव वेगाने आलेल्या टेम्पोचालकाने त्या महिलेच्या दुचाकीला मागून जोरात धडक दिली.
धडकेमुळे ती महिला रस्त्यावर रक्ताने माखलेल्या अवस्थेत (रक्तांबळ होऊन) पडली. अपघात इतका भीषण होता की महिलेचा जीव वाचला हे केवळ तिचे नशीब बलवत्तर म्हणून.
अपघात घडवल्यानंतर निर्दयी टेम्पोचालक टेम्पो आणखी वेगात पुढे घेऊन पळून गेला.
कुदळे यांचे धाडस
अपघातानंतर तत्काळ परिसरातील व्यावसायिक आणि सामाजिक कार्यकर्ते सुहास कुदळे यांनी त्या महिलेला उचलून बाजूला केले आणि आवश्यक ती प्राथमिक मदत केली.
यानंतर, कुदळे यांनी क्षणाचाही विलंब न करता स्वतःच्या दुचाकीवरून त्या टेम्पोचालकाचा पाठलाग सुरू केला आणि अशोक टॉकीज परिसरात त्याला पकडले.
कुदळे यांनी तत्काळ पोलिसांशी संपर्क साधून त्या निर्दयी चालकाला पोलिसांच्या ताब्यात दिले. तसेच, गंभीर जखमी झालेल्या महिलेच्या पुढील वैद्यकीय उपचाराची संपूर्ण जबाबदारी त्या टेम्पोचालकाने घ्यावी, यासाठी त्यांनी पोलिसांना सांगितले.
माणुसकीचे बोल आणि कौतुकाचा वर्षाव
उपचार मिळाल्यानंतर, जखमी महिलेला घरी सोडण्यात आले. यावेळी तिने आपला जीव वाचवल्याबद्दल सुहास कुदळे यांचे कृतज्ञतापूर्वक आभार मानले.
परंतु, कुदळे यांनी नम्रपणे महिलेला सांगितले, “आभार व्यक्त करू नका, मी माणुसकी व आपल्या घरातील व्यक्ती या नात्याने आपली मदत केली.” कुदळे यांचे हे माणुसकीचे बोल ऐकून त्या महिलेच्या डोळ्यात अश्रू आले.
घटनेच्या ठिकाणी कुदळे कॉलनी क्रमांक परिसरात मोठी गर्दी जमली होती. सर्व नागरिकांनी सुहास कुदळे यांच्या धाडसाचे आणि सामाजिक कार्याबद्दल अभिनंदन केले व पाठीवर कौतुकाची थाप दिली. पोलिसांनी या निर्दयी टेम्पोचालकावर योग्य ती कारवाई केली आहे.
© मॅक्स मंथन डेली न्यूज. सर्व हक्क राखीव.
