वाहतूक कोंडीवर ‘ट्रॅफिक वॉर्डन’चा उपाय! संदीप (आण्णा) कस्पटे युवा मंचाचा स्तुत्य पुढाकार
वाकड, कस्पटे वस्ती परिसरातील महत्त्वाच्या चौकांवर आता ट्रॅफिक वॉर्डन; आमदार शंकरशेठ जगताप यांच्या हस्ते उपक्रमाचा शुभारंभ.
पिंपरी-चिंचवड, प्रतिनिधी बालाजी नवले, दि. ऑक्टोबर , मॅक्स मंथन डेली न्यूज:
वाकड, कस्पटे वस्ती, पिंपळे निलख आणि जगताप डेअरी परिसरातील नागरिकांना दररोज भेडसावणाऱ्या वाहतूक कोंडीच्या समस्येवर मात करण्यासाठी नगरसेवक श्री संदीप (आण्णा) कस्पटे युवा मंचने एक महत्त्वाचा आणि स्तुत्य उपक्रम हाती घेतला आहे. या माध्यमातून वाहतूक शिस्त प्रस्थापित करण्याचा प्रयत्न केला जात आहे.
शुक्रवारी (दि. ऑक्टोबर ) सकाळी वाजता कस्पटे वस्ती येथील नगरसेवक संदीप (आण्णा) कस्पटे यांच्या जनसंपर्क कार्यालयात या उपक्रमाचा भव्य शुभारंभ करण्यात आला.
चौकांवर ट्रॅफिक वॉर्डनची नेमणूक
या उपक्रमाचा शुभारंभ आमदार श्री शंकरशेठ जगताप आणि भाजप शहराध्यक्ष श्री शत्रुघ्न (बाप्पू) काटे यांच्या प्रमुख उपस्थितीत करण्यात आला.
नागरिकांच्या सुरळीत व सुरक्षित वाहतुकीसाठी प्रभागातील महत्त्वाच्या चौकांवर तात्काळ ट्रॅफिक वॉर्डन नेमण्याचा निर्णय या कार्यक्रमात घेण्यात आला. यामध्ये खालील चौकांचा समावेश आहे:
- म्हातोबा चौक
- माऊली चौक
- काळेवाडी फाटा
- पार्क स्ट्रीट
- कस्पटे चौक
- छत्रपती चौक
- सारस्वत बँक चौक
- उत्कर्ष चौक
- रक्षक चौक
- अॅपल हॉस्पिटल चौक
‘असे उपक्रम दैनंदिन जीवन सुसह्य करतात’
भाजप शहराध्यक्ष श्री. शत्रुघ्न (बाप्पू) काटे यांनी या उपक्रमाचे कौतुक केले. “स्थानिक नागरिकांच्या अडचणी दूर करण्यासाठी कस्पटे युवा मंचाने घेतलेला हा उपक्रम स्तुत्य आहे. अशा उपक्रमांमुळे वाहतूक कोंडीसारख्या समस्यांचे निराकरण होऊन दैनंदिन जीवन अधिक सुसह्य होईल,” असे मत त्यांनी व्यक्त केले.
नगरसेवक श्री संदीप (आण्णा) कस्पटे यांच्या संकल्पनेतून साकारलेल्या या उपक्रमामुळे स्थानिक नागरिकांमध्ये उत्साहाचे वातावरण निर्माण झाले असून, त्यांनी या निर्णयाचे स्वागत करत युवा मंचाचे अभिनंदन केले आहे.
© मॅक्स मंथन डेली न्यूज. सर्व हक्क राखीव.
