हजार रुपये हेक्टरी मदत द्या, अन्यथा उपोषण! – खासदार प्रणिती शिंदे यांचा सरकारला निर्वाणीचा इशारा
पंढरपूर तालुक्यातील पूरग्रस्त गावांना भेट देऊन नुकसानीची पाहणी; ‘शेतकऱ्यांना नुकसानभरपाई वाढवून द्या, नाहीतर उपोषणाला बसू’ – शिंदे.
पंढरपूर/सोलापूर, प्रतिनिधी :- पंडित गवळी ,दि. ऑक्टोबर , मॅक्स मंथन डेली न्यूज:
सोलापूर लोकसभा मतदारसंघाच्या खासदार मा. प्रणिती शिंदे यांनी आज मतदारसंघातील पंढरपूर तालुक्यातील बोहाळी, अनवली आणि सरकोली या अतिवृष्टी व पूरग्रस्त गावांना भेट देऊन शेतकऱ्यांच्या झालेल्या नुकसानीची पाहणी केली. या पाहणीनंतर त्यांनी राज्य सरकारने सर्व निकष बाजूला ठेवून शेतकऱ्यांना सरसकट हजार रुपये हेक्टरी आर्थिक मदत तात्काळ जमा करावी, अशी जोरदार मागणी केली आहे.
जर ही मदत वाढवून मिळाली नाही, तर उपोषण करण्याचा निर्वाणीचा इशारा खासदार प्रणिती शिंदे यांनी यावेळी दिला.
‘जाहीर केलेली मदत तुटपुंजी’
- टीका: अतिवृष्टी आणि पूरपरिस्थितीमुळे शेतकऱ्यांचे मोठे नुकसान झाले आहे, मात्र शासनाने जाहीर केलेली मदत अतिशय तुटपुंजी आहे. सरकारने संवेदनशीलतेने वागून शेतकऱ्यांच्या पाठीशी खंबीरपणे उभे राहण्याची गरज आहे, असे मत खासदार शिंदे यांनी व्यक्त केले.
- मागणी: “सर्व निकष बाजूला ठेवून सरसकट रुपये आर्थिक मदत शेतकऱ्यांच्या खात्यात तात्काळ जमा करावी. आज शेतकरी जगला पाहिजे, हेच सरकारचे सर्वात मोठे कर्तव्य आहे,” असे त्या म्हणाल्या.
- उपोषणचा इशारा: “आम्ही शेतकऱ्यांच्या बाजूने ठामपणे उभे आहोत. शेतकऱ्यांना नुकसानभरपाई वाढवून द्या, अन्यथा आम्ही उपोषणाला बसू,” असा स्पष्ट इशारा त्यांनी दिला.
- निष्पक्ष पंचनामा: पंचनामे करताना दूजाभाव न करता सरसकट व निष्पक्ष पंचनामे करण्यात यावेत, अशी मागणीही त्यांनी यावेळी केली.
भाटघर कॅनॉलच्या पाण्याचा प्रश्न
अनवली गावातील शेतकऱ्यांनी भाटघर कॅनॉलचे अनावश्यक सुरू असलेले पाणी तात्काळ बंद करण्याची मागणी खासदार प्रणिती शिंदे यांच्याकडे केली. कॅनॉलमधून सतत पाणी सोडल्याने शेतीच्या जमिनींना पाझर लागून मोठे नुकसान होत असल्याचे शेतकऱ्यांचे म्हणणे होते.
या गंभीर बाबीची नोंद घेत खासदार शिंदे यांनी त्वरित जिल्हाधिकाऱ्यांशी दूरध्वनीवर संपर्क साधला आणि भाटघर कॅनॉलचे पाणी बंद करण्याची मागणी केली. जिल्हाधिकाऱ्यांनी या संदर्भात तात्काळ आवश्यक ती उपाययोजना करण्यात येईल, असे आश्वासन खासदार शिंदे यांना दिले.
© मॅक्स मंथन डेली न्यूज. सर्व हक्क राखीव.
