पुणे पत्रकार प्रतिष्ठानकडून पूरग्रस्तांना हजारांची मदत!
मराठवाडा, सोलापूरसह अन्य जिल्ह्यांतील पीडितांसाठी ‘मुख्यमंत्री सहायता निधी’ला धनादेश सुपूर्द; जिल्हाधिकारी जितेंद्र डुडी यांनी मानले आभार.
पुणे, दि. ऑक्टोबर , मॅक्स मंथन डेली न्यूज:
मराठवाडा, सोलापूर आणि नांदेडसह अन्य जिल्ह्यांमध्ये झालेल्या अतिवृष्टीमुळे निर्माण झालेल्या पूरस्थितीतील पीडितांना दिलासा देण्यासाठी पुणे पत्रकार प्रतिष्ठानच्या वतीने रुपयांची आर्थिक मदत जाहीर करण्यात आली आहे. या मदतीचा धनादेश प्रतिष्ठानच्या सदस्यांनी जिल्हाधिकारी जितेंद्र डुडी यांच्याकडे सुपूर्द केला.
सामाजिक बांधिलकीची जाणीव
अतिवृष्टीमुळे सोलापूर, मराठवाडा आणि नांदेड यांसारख्या अनेक भागांत मोठी जीवित व वित्तहानी झाली आहे. अनेक कुटुंबे उध्वस्त झाली आहेत. अशा आपत्कालीन परिस्थितीमध्ये पूरग्रस्तांना संघटनेच्या माध्यमातून मदत मिळावी, या उद्देशाने पुणे पत्रकार प्रतिष्ठानने हा निधी मुख्यमंत्री सहायता निधीसाठी दिला आहे.
यापूर्वी राज्यात कोरडा दुष्काळ निर्माण झाला असतानाही पत्रकार संघाने आर्थिक मदत केली होती. सामाजिक दायित्वाची जाणीव ठेवून प्रतिष्ठानने केलेल्या या त्वरित मदतीबद्दल जिल्हाधिकारी जितेंद्र डुडी यांनी त्यांचे आभार व्यक्त केले.
यावेळी पुणे पत्रकार प्रतिष्ठानचे अध्यक्ष शैलेश काळे, पुणे श्रमिक पत्रकार संघाचे अध्यक्ष ब्रिजमोहन पाटील, कार्यवाह पांडुरंग सांडभोर, खजिनदार सुनीत भावे, विश्वस्त राजेंद्र पाटील, ज्येष्ठ पत्रकार उमेश शेळके, मुस्तफा अत्तार, गजानन शुक्ला आदी उपस्थित होते.
© मॅक्स मंथन डेली न्यूज. सर्व हक्क राखीव.
