रॅंनथॉनमध्ये ३ नागरिकांचा उत्साहपूर्ण सहभाग; ‘स्वच्छ शहर, हरित शहर’चा संदेश!
रोटरी क्लब ऑफ निगडी-पुणेच्या १४ व्या वर्षाच्या उपक्रमातून सामाजिक प्रकल्पांना निधी
पिंपरी चिंचवड, प्रतिनिधी बालाजी नवले, दिनांक १३/१०/२०२५, मॅक्स मंथन डेली न्यूज:
रोटरी क्लब ऑफ निगडी–पुणे च्या वतीने पिंपरी-चिंचवड महानगरपालिकेच्या () सहकार्याने आयोजित केलेल्या “पीसीएमसी रोटरी मिराए अॅसेट म्युच्युअल फंड रनथॉन” मध्ये सुमारे तीन हजार नागरिकांनी उत्साहाने धाव घेतली.
निगडी येथे आयोजित केलेल्या या १४व्या रनथॉनमध्ये पुरुष आणि महिला अशा दोन्ही गटांसाठी हाफ मॅरेथॉन ( कि.मी.), १ कि.मी. आणि ५ कि.मी. अशा तीन गटांमध्ये स्पर्धा पार पडली.
स्वच्छतेची शपथ आणि मान्यवरांची उपस्थिती
यावेळी चे सहाय्यक आयुक्त अण्णा बोदडे यांनी उपस्थितांना स्वच्छतेची शपथ दिली. ते म्हणाले की, शहराचे आरोग्य निरोगी ठेवण्यासाठी महापालिका प्रयत्नशील असते, तसेच रनथॉनसारख्या उपक्रमातून रोटरी नागरिकांचे शारीरिक आरोग्य निरोगी ठेवण्याचे काम करत आहे. “आपले शहर स्वच्छ, सुंदर आणि अधिक हरित ठेवण्याची आपली सर्वांची जबाबदरी आहे, यासाठी नागरिकांचे सहकार्य अपेक्षित आहे,” असे मत त्यांनी व्यक्त केले.
या कार्यक्रमाला विश्वविक्रमी धावपट्टू आशिष कसोदेकर, आर्यन मॅन विक्रांत गोडगे, मिराए असेटच्या वरिष्ठ उपाध्यक्षा सुनंदा बोरठाकुर, वरिष्ठ उपाध्यक्ष मखदूम अन्सारी, पुणे व्यवस्थापक मयूर धानोपिया, तानाजी फेम अभिनेत्री इलाक्षी गुप्ता, रोटरी क्लबचे प्रांतपाल संतोष मराठे, नियोजित प्रांतपाल नितीन ढमाले, निगडी क्लबचे अध्यक्ष केशव मानगे, रनथॉन संचालक शशांक फडके, सचिव गुरुदीप सिंग आदी मान्यवर उपस्थित होते.
सामाजिक कार्यासाठी निधी
क्लबचे अध्यक्ष केशव मानगे यांनी सांगितले की, रनथॉनच्या माध्यमातून जमा झालेला निधी शिक्षण, आरोग्य, पर्यावरण आणि महिला सक्षमीकरण यांसारख्या सामाजिक प्रकल्पांवर खर्च केला जातो. रनथॉन संचालक शशांक फडके यांनी यंदा मिराए अॅसेट म्युच्युअल फंड टायटल प्रयोजक म्हणून लाभल्याबद्दल आभार मानले आणि रोटरी व कॉर्पोरेट क्षेत्र एकत्र येऊन समाजात कायमस्वरूपी बदल घडवू शकतील, असे मत व्यक्त केले.
ही स्पर्धा सकाळी ५:३० वाजता सुरू झाली. विविध गटांतील प्रथम, द्वितीय आणि तृतीय क्रमांकाचे विजेते खालीलप्रमाणे:
कार्पोरेट ५ कि.मी. खुला गट
- पुरुष: अनुज करकरे, आकाश हिरवे, मयूर काकडे
- महिला: सुवर्णा जाधव, प्रांजल लाहे, गौरी बढे
कार्पोरेट खुला गटातील सामूहिक संघ: एनप्रो इंडस्ट्रीज, विनिल हायटेक, रिषभ इंडस्ट्रिज
© मॅक्स मंथन डेली न्यूज. सर्व हक्क राखीव.
