फुलेंच्या निर्वाण प्रसंगाने प्रेक्षक गहिवरले! – ‘जोतीबांची सावली.. सावित्री माऊली’ नाटकाला उत्स्फूर्त प्रतिसाद
अंजनगाव सुर्जी येथे ४९ वा नाट्यप्रयोग यशस्वी; सारख्या आंतरराष्ट्रीय संघटनेकडून आयोजन
अमरावती, दि. १४ ऑक्टोबर २०२५, मॅक्स मंथन डेली न्यूज:
नाट्यलेखिका अपूर्वा सोनार लिखित सामाजिक आणि संघर्षमय ऐतिहासिक नाटक “जोतीबांची सावली.. सावित्री माऊली” या नाट्यप्रयोगाला अंजनगाव सुर्जी (अमरावती जिल्हा) येथील प्रेक्षकांनी उत्स्फूर्त प्रतिसाद दिला. १२ ऑक्टोबर २०२५ रोजी ठाकरे सभागृह येथे हा नाटकाचा ४९ वा प्रयोग आयोजित करण्यात आला होता, ज्याला हजारो नागरिक, महिला, शिक्षक आणि सामाजिक कार्यकर्त्यांची मोठी उपस्थिती लाभली.
या नाट्यप्रयोगातील महात्मा जोतीराव फुले यांच्या निर्वाणाचा प्रसंग पाहून अनेक प्रेक्षक गहिवरले आणि त्यांचे डोळे पाणावले.
कलाकारांची दमदार भूमिका
- राष्ट्रपिता महात्मा जोतीराव फुले यांची भूमिका सत्यशोधक लेखक जयकुमार चर्जन यांनी साकारली. चर्जन यांनी ही भूमिका साकारणे आपल्यासाठी अविस्मरणीय आनंदपर्वणी असल्याचे मत व्यक्त केले.
- क्रांतिज्योती सावित्रीआई फुले यांची प्रभावी भूमिका अभिनेत्री अपूर्वा सोनार यांनी केली.
या नाटकाचे मुख्य उद्दिष्ट फुले दाम्पत्यांचे क्रांतिकारी विचार शेवटच्या घटकांपर्यंत पोहोचवणे हे आहे. या नाटकाने यवतमाळमध्ये ३४ आणि अमरावती व इतर जिल्ह्यांत १६ असे एकूण ४९ प्रयोग पूर्ण केले असून, लवकरच ते आपला सुवर्ण महोत्सवी (५० वा) प्रयोग सादर करणार आहे.
या प्रभावी नाट्यप्रयोगाचे उद्घाटन उद्योजक व माजी नगराध्यक्ष देविदास नेमाडे यांच्या हस्ते दीपप्रज्वलन करून झाले. यावेळी तर्फे महाराष्ट्र शासनाचा क्रांतिज्योती सावित्रीबाई फुले आदर्श शिक्षक पुरस्कार प्राप्त शिक्षक अनिल जुनघरे व पंकज वर्हेकर, तसेच जावरकर मॅडम यांचा शाल, श्रीफळ व सन्मानचिन्ह देऊन सत्कार करण्यात आला.
व्यासपीठावर प्रमुख अतिथी म्हणून डॉ. विलास कविटकर, डॉ. श्रीकृष्ण गोरडे, डॉ. मोहन काळे, सतीश लोणकर, गणेश पिंगे, प्रकाश चांडक आणि सतीश हंतोडकर उपस्थित होते. या नाट्यप्रयोगाचे संयोजन आणि आयोजन जेसीआय अध्यक्ष अमोल रसे यांच्यासह अनेक पदाधिकाऱ्यांनी संयुक्तपणे केले.
© मॅक्स मंथन डेली न्यूज. सर्व हक्क राखीव.
