ग्रामीण युवकांसाठी सुवर्णसंधी: अमरावती जिल्ह्यात ५ कौशल्य विकास केंद्र
‘प्रमोद महाजन ग्रामीण कौशल्य विकास’ योजनेतून प्रशिक्षण केंद्रे; १७ ऑक्टोबरपूर्वी प्रस्ताव सादर करण्याचे आवाहन
अमरावती, प्रतिनिधी अविनाश वानखेडे, दिनांक १५/१०/२०२५, मॅक्स मंथन डेली न्यूज:
ग्रामीण भागातील उमेदवारांना त्यांच्या स्थानिक पातळीवर रोजगाराच्या संधी उपलब्ध व्हाव्यात, या महत्त्वाकांक्षी उद्देशाने शासनामार्फत ‘प्रमोद महाजन ग्रामीण कौशल्य विकास केंद्र’ ग्रामपंचायत स्तरावर स्थापन करण्यात येत आहेत. या योजनेअंतर्गत अमरावती जिल्ह्यामध्ये एकूण पाच गावांमध्ये प्रशिक्षण केंद्र उभारण्यात येणार आहेत.
जिल्हा कौशल्य विकास, रोजगार व उद्योजकता मार्गदर्शन केंद्र, अमरावती यांच्यामार्फत या केंद्रांमध्ये प्रशिक्षण देण्यासाठी पात्र प्रशिक्षण संस्थांकडून प्रस्ताव मागविण्यात आले आहेत.
प्रशिक्षण केंद्रांची ठिकाणे
जिल्ह्यातील खालील ५ गावांमध्ये किंवा संबंधित तालुक्यांमधील इतर गावांमध्ये प्रशिक्षण राबविण्यासाठी संस्था अर्ज करू शकतात:
- अचलपूर (कांडली)
- अंजनगाव सुर्जी (कापूसतळणी, सातेगाव)
- चांदुर रेल्वे (आमला विश्वेश्वर)
- दर्यापूर (येवदा)
सहाय्यक आयुक्त प्रांजली बारस्कर यांनी आवाहन केले आहे की, इच्छुक संस्थांनी आपला परिपूर्ण प्रस्ताव दिनांक १७ ऑक्टोबर २०२५ पूर्वी कार्यालयात सादर करावा.
- नोंदणी: अर्जदार संस्था भागीदारी फर्म, , खाजगी/पब्लिक लिमिटेड कंपनी किंवा सोसायटी/पब्लिक ट्रस्ट कायद्यानुसार नोंदणीकृत असावी.
- उलाढाल: मागील चारपैकी (२०२०-२१ ते २०२३-२४) कोणत्याही दोन वर्षांत संस्थेची सरासरी वार्षिक उलाढाल प्रति ठिकाण १० लाख रुपये किंवा त्याहून अधिक असावी.
- प्रशिक्षण अनुभव: अर्जदाराने अल्पकालीन प्रशिक्षणामध्ये किमान ३०० उमेदवारांना प्रशिक्षित केलेले असावे आणि त्यांना रोजगार व स्वयंरोजगार दिलेला असावा.
- इतर अटी: अर्जदार कोणत्याही शासकीय किंवा निमशासकीय संस्थेद्वारे काळ्या यादीत () नसावा. तसेच, अर्जदार हा म्हणून वर सूचीबद्ध झालेला असावा.
प्राधान्य: कौशल्यासाठी कोणताही पुरस्कार मिळालेल्या अर्जदारास प्राधान्य देण्यात येईल. या केंद्रामुळे ग्रामीण भागातील युवकांच्या कौशल्य विकासाला मोठी चालना मिळणार आहे.
अधिक माहितीसाठी संपर्क: कार्यालयीन दूरध्वनी क्रमांक
© मॅक्स मंथन डेली न्यूज. सर्व हक्क राखीव.
