‘दिशा’ दिवाळी फराळात हरवली मने: मतभेद विसरून रंगली राजकारणाच्या पलीकडची गप्पांची मैफल!
दिवाळीच्या उत्सवी वातावरणात राजकीय प्रतिस्पर्धी आणि प्रशासकीय अधिकारी एकाच छताखाली; निवेदक सुधीर गाडगीळ यांना ‘दिशा सन्मान’
पिंपरी प्रतिनिधी शाम सोनवणे:
दिवाळीचा उत्साह, फराळाचा सुगंध, आनंदाचे सूर… अशा आनंदमय आणि उत्सवी वातावरणात दिशा सोशल फाऊंडेशनच्या ‘दिवाळी फराळ’ने रविवारी (१९ ऑक्टोबर २०२५) आनंदाची पर्वणी दिली. राजकीय आखाड्यातील प्रतिस्पर्धी नेते, प्रशासकीय अधिकारी यांसह विविध क्षेत्रातील मान्यवर एकाच छताखाली जमले. हास्यकल्लोळ, गतस्मृतींना उजाळा आणि धमाल किश्श्यांमुळे जवळपास चार तास गप्पांची ही मैफल उत्स्फूर्तपणे रंगली.
दिशा सोशल फाऊंडेशनच्या वतीने पिंपरीतील ‘श्री कृष्ण पॅलेस’मधील ‘सुदामा हॉल’मध्ये या स्नेहमेळ्याचे आयोजन करण्यात आले होते. मान्यवरांनी अनुभवलेली ही खरी आत्मीयतेची दिवाळी ठरली.
या सोहळ्याला राजकीय, प्रशासकीय, शैक्षणिक आणि सामाजिक अशा विविध क्षेत्रातील मान्यवर मोठ्या संख्येने उपस्थित होते.
राजकीय क्षेत्रातील उपस्थित मान्यवर:
- खासदार व माजी खासदार: खासदार श्रीरंग बारणे, माजी खासदार अमर साबळे.
- आमदार व माजी आमदार: विधानसभेचे उपाध्यक्ष अण्णा बनसोडे, माजी मंत्री बाळा भेगडे, आमदार महेश लांडगे, शंकर जगताप, अमित गोरखे, माजी आमदार विलास लांडे, ॲड. गौतम चाबुकस्वार.
- माजी महापौर: माजी महापौर संजोग वाघेरे, राहुल जाधव.
- शहराध्यक्ष (विभिन्न पक्ष): भाजपचे शहराध्यक्ष शत्रुघ्न काटे, राष्ट्रवादी काँग्रेसचे शहराध्यक्ष योगेश बहल, तुषार कामठे, मनसेचे शहराध्यक्ष सचिन चिखले, रिपब्लिकन पक्षाचे शहराध्यक्ष कुणाल वाव्हळकर.
- इतर ज्येष्ठ नेते व माजी पदाधिकारी: माजी शहराध्यक्ष वसंत लोंढे, भाऊसाहेब भोईर, राहुल कलाटे, सदाशिव खाडे, अजित गव्हाणे, सचिन साठे.
- माजी समिती सभापती व युवा नेते: स्थायी समितीचे माजी सभापती जगदीश शेट्टी, प्रशांत शितोळे, भाजप युवा मोर्चाचे प्रदेशाध्यक्ष अनुप मोरे, निलेश शिंदे, सलीम शिकलगार.
- माजी नगरसेवक व पदाधिकारी: माजी नगरसेवक सुरेश भोईर, धनंजय काळभोर, उल्हास शेट्टी, प्रसाद शेट्टी, बाळासाहेब मोरे, संतोष कांबळे, अमित गावडे, राजेश पिल्ले, राजू दुर्गे, पीसीएमटीचे माजी सभापती सुरेश चिंचवडे, शिक्षण मंडळाचे माजी उपसभापती माणिकराव अहिरराव.
प्रशासकीय, शैक्षणिक व सामाजिक क्षेत्रातील मान्यवर:
- प्रशासकीय व शिक्षण: माजी विभागीय आयुक्त दिलीप बंड, पिंपरी पालिकेचे उपायुक्त अण्णा बोदडे, पुणे जिल्हा परिषदेचे शिक्षणाधिकारी डॉ भाऊसाहेब कारेकर, निवृत्त उपजिल्हाधिकारी अशोक मुंढे, स्वामी रामानंद विद्यापीठाचे कुलगुरू मनोहर चासकर, प्राचार्य नितीन घोरपडे.
- लेखक, कला व क्रीडा: लेखक सौरभ कर्डे, श्रीकांत चौगुले, अर्जून पुरस्कार विजेते शांताराम जाधव, हिंद केसरी अमोल बुचडे, भारत केसरी विजय गावडे, नाट्यनिर्माते राहुल भंडारे, कार्यकारी निर्माता रत्नकांत जगताप, अभिनेते नितीन धुंदुके, महेश मोहगावकर, ‘कलोपासक’चे प्रदीप पाटसकर, ‘चंद्ररंग’चे संचालक विजय जगताप.
- उद्योग व सहकार: श्रीमंत दगडूशेठ हलवाई ट्रस्टचे कोषाध्यक्ष महेश सूर्यवंशी, पिंपरी चिंचवड एज्युकेशन ट्रस्टचे कार्यकारी संचालक डॉ. संचालक गिरीश देसाई, ‘यशदा’ ग्रूपचे संचालक वसंत काटे, प्रेरणा बँकेचे अध्यक्ष कांतीलाल गुजर, इंद्रायणी बँकेचे संस्थापक ॲड. एस. बी. चांडक, भंडारा डोंगर ट्रस्टचे अध्यक्ष बाळासाहेब काशीद, संत तुकाराम सहकारी साखर कारखान्याचे संचालक बाळासाहेब विनोदे.
या सोहळ्याचा शिखरबिंदू ठरला, तो प्रसिद्ध निवेदक व मुलाखतकार सुधीर गाडगीळ यांचा सत्कार.
- सुधीर गाडगीळ (निवेदक): खासदार श्रीरंग बारणे व माजी विभागीय आयुक्त दिलीप बंड यांच्या हस्ते त्यांना दिशा सन्मान देऊन गौरवण्यात आले.
- भार्गव रत्नकांत जगताप (बालकलाकार): ‘नाळ २’ या मराठी चित्रपटातील लक्षवेधी भूमिकेसाठी पदार्पणातच राष्ट्रीय पुरस्कार मिळालेल्या बालकलाकार भार्गव रत्नकांत जगताप याचा सत्कार विधानसभेचे उपाध्यक्ष अण्णा बनसोडे यांच्या हस्ते करण्यात आला.
- मनोज ढेरंगे (सेवानिवृत्त अधिकारी): पिंपरी पालिकेच्या आयटीआयचे सेवानिवृत्त अधिकारी मनोज ढेरंगे यांचा सत्कार माजी खासदार अमर साबळे व आमदार अमित गोरखे यांच्या हस्ते करण्यात आला.
- सुनील पवार (सेवानिवृत्त सहायक पोलीस उपनिरीक्षक): सुनील पवार यांच्या उल्लेखनीय कामगिरीबद्दल आमदार महेश लांडगे यांच्या हस्ते त्यांचा सत्कार करण्यात आला.
- माधव सहस्त्रबुद्धे (ज्येष्ठ पत्रकार): वयाची पंचाहत्तरी पूर्ण केलेले ज्येष्ठ पत्रकार माधव सहस्त्रबुद्धे यांचा सत्कार माजी आमदार विलास लांडे यांच्या हस्ते करण्यात आला.
यावेळी बोलताना मावळचे खासदार श्रीरंग बारणे म्हणाले, “पिंपरी चिंचवड शहराची सांस्कृतिक ओळख जनमाणसात रुजविण्याचे दिशा फाऊंडेशनचे कार्य अभिमानास्पद आहे. दिवाळी फराळाच्या निमित्ताने पुणे व पिंपरी चिंचवड शहरातील नामवंत व्यक्तीमत्वांना एकत्रित आणून विचारांची देवाणघेवाण करणारे आणि निखळ गप्पांबरोबरच निर्मळ आनंद देणारे हे व्यासपीठ आहे.”
दिशा सोशल फाउंडेशनचे अध्यक्ष बाळासाहेब जवळकर, कार्याध्यक्ष राजेंद्र करपे, उपाध्यक्ष संतोष बाबर, माजी अध्यक्ष गोरख भालेकर, जगन्नाथ (नाना) शिवले, सचिन साठे, नंदकुमार कांबळे, संतोष निंबाळकर आदींसह सर्व सदस्यांनी या कार्यक्रमाचे संयोजन केले.
कार्यक्रमाचे प्रास्ताविक जगन्नाथ (नाना) शिवले यांनी केले, तर सूत्रसंचालन संदीप साकोरे यांनी केले. बाजीराव लोखंडे यांनी उपस्थितांचे आभार मानले.
© २०२५ मॅक्स मंथन डेली न्यूज. सर्व हक्क राखीव.
