मराठी मनोरंजन विश्वात नवा धमाका! ओंकार माने यांची एकाच वेळी १० म्युझिक व्हिडिओ आणि ‘मी एकनाथ’ वेब सिरीजची घोषणा

सुर्या मिडीया प्रोडक्शनतर्फे पुण्यात भव्य सोहळा; निर्माते-दिग्दर्शक ओंकार माने यांच्याकडून मराठी चित्रपटसृष्टीत ‘ग्रॅड प्रोजेक्ट’ची नांदी

पुणे, दि. २४ ऑक्टोबर २०२५, मॅक्स मंथन डेली न्यूज:

मराठी मनोरंजन विश्वात एकाच वेळी ११ मोठे प्रकल्प जाहीर करत, सुर्या मिडीया प्रोडक्शनचे संस्थापक, निर्माते आणि दिग्दर्शक ओंकार हनुमंत माने यांनी नव्या पर्वाची दमदार सुरुवात केली आहे. ‘द ग्रॅड प्रोजेक्ट घोषणा आणि दिवाळी सेलिब्रेशन’ हा भव्य सोहळा हॉटेल प्राईड प्रिमियर, पुणे येथे मोठ्या उत्साहात पार पडला.

ओंकार हनुमंत माने यांनी तब्बल १० म्युझिक व्हिडिओ अल्बम्स आणि १ वेब सिरीज अशा एकूण ११ प्रोजेक्ट्सची घोषणा एकाच मंचावर केली, जे मराठी चित्रपटसृष्टीसाठी एक अभिनव आणि प्रेरणादायी पाऊल ठरले आहे.

या ११ प्रोजेक्ट्समध्ये, ‘मी एकनाथ’ या वेब सिरीजचा समावेश आहे, जी प्रेक्षकांमध्ये विशेष उत्सुकता निर्माण करत आहे.

• कथासूत्र: ही वेब सिरीज एका प्रेरणादायी पोलीस कॉन्स्टेबल एकनाथ शिंदे यांच्या जीवनावर आधारित आहे.

• कलाकार आणि दिग्दर्शन: या सिरीजमध्ये आनंद पिंपळकर, नवोदित अभिनेता चेतन रहाणे आणि मराठीतील काही दिग्गज कलाकार काम करत आहेत. याचे दिग्दर्शन ओंकार हनुमंत माने यांनी केले आहे.

‘मी एकनाथ’ या वेब सिरीज व्यतिरिक्त, प्रेक्षकांना खिळवून ठेवणारे आणि विविध विषयांवरील दहा म्युझिक व्हिडिओ अल्बम्सची घोषणाही करण्यात आली. या अल्बम्सची नावे खालीलप्रमाणे आहेत:

माहोल मुली, होनेवाली वाईफ, ठिणगी, मराठी पोरी, पैंजण, गावभर बोभाटा, दाजी जरा ऐका, मधाळ, जिव्हार तू, पाखरू

या सोहळ्यात या ११ प्रोजेक्ट्सच्या अनावरणासोबतच पत्रकारांचा सन्मान करित दिवाळी उत्सव साजरा करण्यात आला.

याप्रसंगी बोलताना ओंकार माने म्हणाले, “ही सगळी कामं म्हणजे एक स्वप्न, एक विश्वास… ज्यात भावना, मनोरंजन आणि मराठी मातीचा आत्मा आहे.“

या लाँच सोहळ्याला प्रसिद्ध अभिनेता विशाल फाले, अभिनेत्री राधा सागर, प्रणव पिंपळकर, प्रणव जाधव, अनाहिता कपूर, तसेच ‘मी एकनाथ’ वेब सिरीजमधून झळकणारा नवा अभिनेता चेतन राहणे उपस्थित होते. याशिवाय, संदीप मोहिते पाटील – मराठी चित्रपट निर्माते, आनंद पिंपळकर – सुप्रसिद्ध वास्तुतज्ञ व निर्माते, मेघराज राजे भोसले – अध्यक्ष (अखिल भारतीय मराठी चित्रपट महामंडळ), राहुल ओदक – तेलुगू व मराठी चित्रपट निर्माते, सौजन्य निकम – मराठी चित्रपट निर्माती, पूर्वा शहा – अभिनेत्री व निर्माती, नितीन टाकळकर – सुप्रसिद्ध व्यावसायिक, तुषार शेलार – दिग्दर्शक आदी मान्यवर उपस्थित होते.

© २०२५ मॅक्स मंथन डेली न्यूज. सर्व हक्क राखीव.