निवडणूक खर्चाची मर्यादा निश्चित! पिंपरी-चिंचवड महापालिकेसाठी उमेदवारांना १३ लाख रुपयांपर्यंत खर्च करण्याची मुभा

राज्य निवडणूक आयोगाकडून ‘ब’ वर्ग महापालिकेसाठी आदेश जारी; बृहन्मुंबई, पुणे, नागपूरसाठी ₹१५ लाखांची मर्यादा

पिंपरी चिंचवड, प्रतिनिधी बालाजी नवले, दि. ३० ऑक्टोबर २०२५, मॅक्स मंथन डेली न्यूज:

पिंपरी-चिंचवड महापालिकेसह (PCMC) राज्यातील आगामी नियोजित स्थानिक स्वराज्य संस्थांच्या सार्वत्रिक निवडणुकांसाठी राज्य निवडणूक आयोगाने (State Election Commission) उमेदवारांना करता येणाऱ्या निवडणूक खर्चाची मर्यादा निश्चित केली आहे. याबाबतचा आदेश राज्य निवडणूक आयोगाचे सचिव सुरेश काकाणी यांच्या स्वाक्षरीने जारी करण्यात आला आहे.

या आदेशानुसार, पिंपरी-चिंचवड महापालिकेचा समावेश ‘ब’ वर्ग महापालिकेत करण्यात आला असून, येथील निवडणुकीसाठी उमेदवारांना ₹१३ लाख रुपयांपर्यंत निवडणूक खर्च करण्याची मर्यादा निश्चित करण्यात आली आहे.

राज्य निवडणूक आयोगाने राज्यातील महानगरपालिकांच्या वर्गवारीनुसार निवडणूक खर्चाची मर्यादा पुढीलप्रमाणे निश्चित केली आहे:

निवडणूक आयोगाच्या आदेशात महानगरपालिका सदस्य, नगरपरिषद/नगरपंचायत, जिल्हा परिषद, पंचायत समिती तसेच ग्रामपंचायत निवडणुकांसाठीच्या खर्चाच्या मर्यादा देखील निश्चित करण्यात आल्या आहेत.

या आदेशात राज्य निवडणूक आयोगाने स्पष्ट केले आहे की, सर्व उमेदवारांना त्यांच्या निवडणूक खर्चाचा हिशोब वेळोवेळी सादर करणे बंधनकारक राहील. या नियमांचे उल्लंघन केल्यास कारवाई केली जाऊ शकते.

© २०२५ मॅक्स मंथन डेली न्यूज. सर्व हक्क राखीव.