प्रभाग २७ मध्ये ‘दादां’चा निष्ठावान शिलेदार मैदानात? राष्ट्रवादीकडून विवेक कांबळेंच्या नावाची चर्चा जोरात!

१६ वर्षांची पक्षनिष्ठा आणि दांडगा जनसंपर्क; रहाटणी-काळेवाडी परिसरात ‘जनसेवक’ म्हणून ओळख

पिंपरी चिंचवड प्रतिनिधी बालाजी नवले, दि.१८ डिसेंबर २०२५, मॅक्स मंथन डेली न्यूज:

रहाटणी (दि. १८ डिसेंबर २०२५): पिंपरी-चिंचवड महानगरपालिकेच्या आगामी सार्वत्रिक निवडणुकीचे बिगुल वाजले असून, राजकीय वर्तुळात उमेदवारांच्या नावांची जोरदार चर्चा सुरू झाली आहे. प्रभाग क्रमांक २७ (रहाटणी) मधील अनुसूचित जाती (SC) प्रवर्गातून राष्ट्रवादी काँग्रेस (अजित पवार) पक्षाकडून युवा नेते आयु विवेक महानंदा सुभाष कांबळे यांचे नाव आघाडीवर असल्याचे समजते. “अजितदादांचे विश्वासू शिलेदार” आणि उच्चशिक्षित चेहरा म्हणून त्यांच्या नावाचा विचार पक्षाच्या वरिष्ठ पातळीवर गांभीर्याने सुरू असल्याची माहिती मिळत आहे.

विवेक कांबळे हे २०१२ पासून राष्ट्रवादी युवक काँग्रेसचे सक्रिय सदस्य म्हणून कार्यरत आहेत. त्यांच्या प्रदीर्घ राजकीय प्रवासातील काही महत्त्वाचे टप्पे:

• पार्श्वभूमी: मूळचे धाराशिव (मराठवाडा) जिल्ह्यातील असलेले कांबळे अनेक वर्षांपासून रहाटणी परिसरात वास्तव्यास असून, स्थानिक समस्यांशी त्यांची नाळ जोडलेली आहे.

• नेतृत्व: पार्थ पवार यांच्या लोकसभा निवडणुकीत त्यांनी आघाडीचा युवा कार्यकर्ता म्हणून महत्त्वाची भूमिका बजावली होती.

• मार्गदर्शन: माजी विरोधी पक्षनेते नाना काटे यांच्या मार्गदर्शनाखाली त्यांनी रहाटणी-काळेवाडी परिसरात पक्षवाढीसाठी मोलाचे कार्य केले आहे.

केवळ राजकीय पद न शोधता, प्रभागातील मूलभूत प्रश्नांवर त्यांनी सातत्याने काम केले आहे.

• नागरी प्रश्न: पाणी टंचाई, कचरा व्यवस्थापन, ड्रेनेज आणि वाहतुकीचे प्रश्न सोडवण्यासाठी त्यांनी प्रशासकीय पातळीवर पाठपुरावा केला आहे.

• युवा व विद्यार्थी कल्याण: नवीन मतदार नोंदणी, युवकांचे रोजगाराचे प्रश्न आणि विद्यार्थ्यांच्या अडचणींमध्ये ते नेहमीच पुढाकार घेतात.

प्रशासकीय कार्यालयांशी असलेला उत्तम समन्वय आणि गेल्या १६ वर्षांपासून प्रभागात जपलेला दांडगा जनसंपर्क ही त्यांची मोठी जमेची बाजू मानली जात आहे. १६ वर्षांच्या निष्कलंक कामगिरीची पोचपावती म्हणून यंदा पक्ष त्यांना प्रभाग २७ मधून संधी देईल, अशी खात्री त्यांच्या समर्थकांना आहे. उच्चशिक्षित आणि अभ्यासू व्यक्तिमत्त्वामुळे स्थानिक सुशिक्षित मतदारांचा कलही त्यांच्या बाजूने दिसून येत आहे.

राष्ट्रवादी काँग्रेसकडून अधिकृत उमेदवारीची घोषणा अद्याप झालेली नसली, तरी विवेक कांबळे यांनी प्रभागात केलेल्या सामाजिक कार्यामुळे त्यांचे पारडे जड असल्याचे राजकीय विश्लेषकांचे मत आहे.

© २०२५ मॅक्स मंथन डेली न्यूज. सर्व हक्क राखीव.