अकोला पोलीस दलात १६१ शिपायांची भरती! तात्पुरती निवड आणि प्रतीक्षा यादी जाहीर; पाहा तुमचं नाव आणि मिळवलेले गुण

अकोला /मुर्तिजापुर प्रतिनिधी विलास सावळे,२६ मार्च २०२६ | मॅक्स मंथन शैक्षणिक विशेष:

अकोला : पोलीस अधीक्षक कार्यालय, अकोला अंतर्गत सन २०२४-२०२५ या वर्षासाठी राबविण्यात आलेल्या १६१ पोलीस शिपाई पदांच्या भरती प्रक्रियेचा महत्त्वाचा टप्पा पूर्ण झाला आहे. शारीरिक चाचणी आणि लेखी परीक्षेच्या एकत्रित गुणांच्या आधारावर ‘तात्पुरती निवड यादी’ (Provisional Selection List) आणि ‘तात्पुरती प्रतीक्षा यादी’ (Provisional Waiting List) अधिकृतपणे प्रसिद्ध करण्यात आली आहे.

पोलीस अधीक्षक अर्चित चांडक यांच्या मार्गदर्शनाखाली ही प्रक्रिया अत्यंत पारदर्शक पद्धतीने राबवण्यात आली.

• मैदानी चाचणी: ११ फेब्रुवारी ते २१ फेब्रुवारी २०२६ या कालावधीत पार पडली.

• लेखी परीक्षा: १५ मार्च २०२६ रोजी आयोजित करण्यात आली होती.

• निवडीचा निकष: मैदानी चाचणी आणि लेखी परीक्षेतील एकत्रित गुण आणि कागदपत्र पडताळणी.

खाली काही प्रमुख प्रवर्ग आणि त्यातील प्रथम क्रमांकावरील उमेदवारांची माहिती दिली आहे:

१. खुला प्रवर्ग (OPEN – Waiting List)

• राम हणजारी जाधव: १३२ गुण

• जगदीश अनाथ सांगोडे: १३० गुण

• ब्रह्मा विष्णू ढकणे: १३० गुण

२. महिला आरक्षण (Female – Waiting List)

• शिवानी रामराव काळे: १२० गुण

• साक्षी लक्ष्मण नवलकार: १२० गुण

• निकिता दशरथ दहातोंडे: ११९ गुण

३. इतर मागास प्रवर्ग (OBC – Waiting List)

• सोपान कांगरे: १२७ गुण

• आनंद गजानन बिसे: १२७ गुण

४. आर्थिकदृष्ट्या दुर्बल घटक (EWS – Waiting List)

• आदित्य लिंबराज भोरे: १२१ गुण

• सय्यद हमीद: १२० गुण

अकोला पोलीस शिपाई भरती – पूर्ण यादी (निवडक मुख्य नावे)

सदर यादी ही तात्पुरती असून उमेदवारांच्या कागदपत्रांची मूळ पडताळणी अद्याप बाकी आहे. जर एखाद्या उमेदवाराने सादर केलेली माहिती खोटी आढळल्यास किंवा कागदपत्रांत त्रुटी असल्यास, त्याचे नाव यादीतून कमी करण्यात येईल आणि प्रतीक्षा यादीतील पुढील उमेदवाराला संधी दिली जाईल.

उमेदवारांना काही हरकती असल्यास त्यांनी विहित मुदतीत पोलीस अधीक्षक कार्यालयाशी संपर्क साधावा.

© २०२६ मॅक्स मंथन डेली न्यूज. सर्व हक्क राखीव।