सावधान! जनगणनेच्या नावाखाली तुमची आर्थिक फसवणूक होऊ शकते; सायबर पोलिसांचे आवाहन

पिंपरी चिंचवड प्रतिनिधी बालाजी नवले, ५ मे २०२६ मॅक्स मंथन डेली न्यूज:

पिंपरी: सध्या शहरात आणि परिसरात जनगणनेच्या नावाखाली सायबर फसवणुकीच्या घटनांमध्ये वाढ होण्याची शक्यता लक्षात घेता, पिंपरी चिंचवड सायबर पोलिसांनी नागरिकांना सतर्क राहण्याचे आवाहन केले आहे. “जातनिहाय जनगणना” किंवा “सरकारी योजना नोंदणी” या नावाखाली नागरिकांची वैयक्तिक आणि आर्थिक माहिती चोरली जात असल्याचे समोर आले आहे.

सायबर गुन्हेगार स्वतःला सरकारी अधिकारी किंवा एजंट भासवून फोन, WhatsApp किंवा SMS द्वारे नागरिकांशी संपर्क साधतात. “तुमची जातनिहाय जनगणनेची माहिती अपडेट करायची आहे,” असे सांगून ते एक बनावट लिंक किंवा ‘गुगल फॉर्म’ पाठवतात. या लिंकवर क्लिक करताच नागरिकांना त्यांची वैयक्तिक माहिती भरण्यास सांगितले जाते. एकदा का नागरिकांनी बँक तपशील किंवा OTP शेअर केला की, त्यांच्या खात्यातून पैसे लंपास केले जातात.

• आधार क्रमांक, पॅन कार्ड, मतदान कार्ड किंवा एटीएम तपशील.

• मोबाईलवर आलेला कोणताही ओटीपी (OTP).

• बँक खाते क्रमांक, UPI पिन किंवा डेबिट/क्रेडिट कार्डची माहिती.

• मालमत्तेची किंवा कुटुंबाची संवेदनशील माहिती.

• अधिकृत डोमेन तपासा: सरकारी कामासाठी फक्त .gov.in असलेल्या वेबसाईटचाच वापर होतो. .com, .org किंवा अनोळखी WhatsApp लिंकवर विश्वास ठेवू नका.

• सरकारी अधिकारी माहिती मागत नाहीत: अधिकृत जनगणनेसाठी कोणतेही सरकारी अधिकारी फोनवर तुमचा बँक तपशील किंवा पासवर्ड मागत नाहीत.

• अनोळखी लिंक टाळा: “Caste Census” किंवा “castecensusindia” यांसारख्या नावांनी येणाऱ्या लिंकवर क्लिक करू नका.

जर तुमची किंवा तुमच्या ओळखीच्या कोणाची फसवणूक झाली असेल, तर वेळ न घालवता खालील ठिकाणी तक्रार करा:

१. सायबर हेल्पलाईन क्रमांक: १९३०

२. अधिकृत पोर्टल: www.cybercrime.gov.in

३. पिंपरी चिंचवड सायबर पोलीस स्टेशन: प्रेमलोक पार्क, चिंचवड. (फोन: ०२०-२७३५०९३९)

“नागरिकांनी कोणत्याही अनधिकृत लिंकवर आपली माहिती भरू नये. स्वतःची आर्थिक सुरक्षा राखण्यासाठी सावध राहणे हाच सर्वोत्तम उपाय आहे.”

— डॉ. शिवाजी पवार, सायबर पोलीस स्टेशन, पिंपरी चिंचवड.

© २०२६ मॅक्स मंथन डेली न्यूज. सर्व हक्क राखीव.