पवना जलवाहिनी प्रकल्पाबाबत सर्व घटकांना विश्वासात घेऊन सकारात्मक तोडगा काढावा: महापौर रवि लांडगे!

पिंपरी / पुणे प्रतिनिधी लक्ष्मण प्रधान, दि. ०९ सप्टेंबर २०२६ मॅक्स मंथन डेली न्यूज:

“पवना जलवाहिनी प्रकल्प हा पिंपरी-चिंचवड शहराच्या भविष्यातील पाणीपुरवठ्याच्या दृष्टीने अत्यंत महत्त्वाचा आहे. त्याच वेळी मावळमधील बळीराजाच्या अडचणी आणि त्यांच्या अपेक्षांचाही संवेदनशीलतेने विचार होणे आवश्यक आहे. कोणावरही अन्याय न होता सर्व घटकांना विश्वासात घेऊन सकारात्मक तोडगा निघाला पाहिजे. यासाठी मा. मुख्यमंत्री महोदयांच्या स्तरावर पुढील बैठक आयोजित करून विषयाला गती देण्याबाबत जिल्हाधिकाऱ्यांशी चर्चा केली आहे. शहराची पाण्याची गरज भागवण्यासोबतच शेतकऱ्यांच्या हिताचे रक्षण करण्यासाठी आमचा सातत्याने पाठपुरावा सुरू राहील.”

— रवि लांडगे, महापौर, पिंपरी-चिंचवड महानगरपालिका