मोर्शी: अमरावती जिल्ह्यातील मोर्शी तालुक्यात ‘कोतवाल’ संवर्गातील रिक्त असलेली ४ पदे भरण्याची प्रक्रिया प्रशासनाकडून अधिकृतपणे सुरू करण्यात आली आहे. या भरती प्रक्रियेअंतर्गत तालुक्यातील पांढी, लेहगाव, धामणगाव आणि मंगरूळ या साज्यांमध्ये प्रत्येकी एका पदाची भरती केली जाणार असल्याची माहिती कोतवाल निवड समितीचे सदस्य सचिव तथा तहसीलदार सागर ढवळे यांनी दिली.

शासकीय नियमांनुसार व आरक्षणानुसार खालीलप्रमाणे साजा आणि प्रवर्गासाठी ही पदभरती होणार आहे. पांढी साजा  खुला प्रवर्ग (Open), लेहगाव साजा  आर्थिकदृष्ट्या दुर्बल घटक (EWS), धामणगाव साजा  भटका जमाती-क (NT-C), मंगरूळ साजा  सामाजिक व शैक्षणिकदृष्ट्या मागास वर्ग (SEBC)

अर्ज सादर करण्याची अंतिम मुदत  १७ ऑक्टोबर २०२६ (सायंकाळी ६.१५ वाजेपर्यंत)

पात्र उमेदवारांची अंतिम यादी  ०३ नोव्हेंबर २०२६ , लेखी परीक्षेची तारीख व वेळ  ११ नोव्हेंबर २०२६ (दुपारी १२.०० ते १.३० वाजेदरम्यान), नियुक्ती आदेश वाटप  २६ नोव्हेंबर २०२६

ही संपूर्ण भरती प्रक्रिया पारदर्शक वातावरणात तहसीलदार सागर ढवळे यांच्या मार्गदर्शनाखाली राबविण्यात येत आहे. मोर्शी तालुक्यातील पात्र व इच्छुक उमेदवारांनी मुदतीत अर्ज सादर करावेत, असे आवाहन प्रशासनाच्या वतीने करण्यात आले आहे.