उमेश दादा पाटील यांची सोलापूर जिल्हा राष्ट्रवादी काँग्रेसच्या जिल्हाध्यक्षपदी निवड!
‘पक्षाचे गतवैभव पुन्हा मिळवून देण्यासाठी पराकाष्ठा करेल’: पाटील यांची ग्वाही!
प्रतिनिधी पंडित गवळी, सोलापूर, १७ जून २०२५ (मॅक्स मंथन डेली न्यूज): सोलापूर जिल्ह्याच्या राजकारणात एक महत्त्वाची घडामोड घडली असून, श्री. उमेश दादा पाटील यांची राष्ट्रवादी काँग्रेस पक्षाच्या (NCP) सोलापूर जिल्हाध्यक्षपदी निवड करण्यात आली आहे. या निवडीमुळे जिल्ह्याच्या राजकीय वर्तुळात नवचैतन्य संचारले आहे.
पक्षाच्या शीर्षस्थ नेत्यांचे मानले आभार
जिल्हाध्यक्षपदाची महत्त्वाची संधी आणि जबाबदारी दिल्याबद्दल उमेश पाटील यांनी पक्षाच्या राष्ट्रीय आणि प्रदेश स्तरावरील सर्व प्रमुख नेत्यांचे मनापासून आभार मानले. त्यांनी विशेषतः पक्षाचे राष्ट्रीय अध्यक्ष तथा राज्याचे लोकप्रिय उपमुख्यमंत्री ना. अजितदादा पवार, राष्ट्रीय कार्याध्यक्ष खा. प्रफुल्लभाई पटेल, प्रदेशाध्यक्ष खा. सुनीलजी तटकरे यांचे आभार व्यक्त केले. याव्यतिरिक्त, पक्षाचे सरचिटणीस आ. शिवाजीराव गर्जे, महिला प्रदेशाध्यक्ष रूपालीताई चाकणकर, लतिफभाई तांबोळी, संजयजी बोरगे, मुख्य प्रवक्ता आनंदजी परांजपे, युवक प्रदेशाध्यक्ष सूरज चव्हाण तसेच पक्षाचे सर्व मंत्री, खासदार आणि आमदार यांचेही त्यांनी कृतज्ञतापूर्वक धन्यवाद केले.
‘सामान्य जनतेच्या आशा-आकांक्षा पूर्ण करण्याचा निर्धार!’
या निवडीनंतर बोलताना उमेश पाटील यांनी सोलापूर जिल्हा राष्ट्रवादी काँग्रेस पक्षाचे गतवैभव पुन्हा मिळवून देण्यासाठी आणि जिल्ह्यातील सर्वसामान्य जनतेच्या आशा-आकांक्षा पूर्ण करण्यासाठी आपण प्रयत्नांची पराकाष्ठा करेल, अशी ग्वाही दिली. त्यांच्या या निर्धारामुळे पक्षाच्या कार्यकर्त्यांमध्ये आणि समर्थकांमध्ये उत्साह वाढला असून, सोलापूर जिल्ह्यात राष्ट्रवादी काँग्रेस पक्ष नव्या जोमाने काम करेल अशी अपेक्षा आहे.
© २०२५ मॅक्स मंथन डेली न्यूज. सर्व हक्क राखीव.
