श्री अग्रसेन ट्रस्टला लाभले युवा नेतृत्व: विकास गर्ग यांची अध्यक्षपदी निवड
ट्रस्टच्या इतिहासातील सर्वात तरुण अध्यक्ष ठरले; २०२८ पर्यंत नवीन कार्यकारिणी कार्यभार सांभाळणार
२२ ऑगस्ट २०२५, मॅक्स मंथन डेली न्यूज:
पुणे – श्री अग्रसेन ट्रस्ट चिंचवड प्राधिकरणच्या अध्यक्षपदी तरुण आणि उत्साही नेतृत्व असलेले विकास टी. गर्ग यांची निवड करण्यात आली आहे. ३१ मार्च २०२८ पर्यंत ट्रस्टचा कार्यभार पाहणाऱ्या नव्या कार्यकारिणीचीही नुकतीच घोषणा करण्यात आली. ट्रस्टच्या इतिहासात प्रथमच एका युवा सदस्याची अध्यक्षपदी निवड झाल्याने हे यश समाजासाठी एक मोठी कामगिरी मानले जात आहे.
१८ ऑगस्ट रोजी झालेल्या सर्वसाधारण सभेत पंच कमिटीचे सदस्य कृष्णकुमार गोयल, वेदप्रकाश गुप्ता आणि रामअवतार अग्रवाल यांच्या प्रमुख उपस्थितीत ही निवडणूक प्रक्रिया पार पडली. त्यानंतर, २१ ऑगस्ट रोजी चिंचवड प्राधिकरण येथील श्री अग्रसेन भवनात झालेल्या बैठकीत मतदान घेण्यात आले, ज्यात ९०० हून अधिक सभासद असलेल्या या ट्रस्टच्या अध्यक्षपदी विकास टी. गर्ग यांची निवड झाल्याची घोषणा करण्यात आली.
नवीन कार्यकारिणीत अशोक आर. अग्रवाल, प्रवीण एन. अग्रवाल, आशीष प्रेम गर्ग, रमेश कश्मीरीलाल अग्रवाल, मोहन गर्ग, जगमोहन अग्रवाल, राजेश मामनचंद अग्रवाल, धर्मेंद्र अग्रवाल, महावीर मनोहरलाल बंसल, दिनेश रामगोपाल अग्रवाल, विनोद बालकिशन मित्तल, नरेश हुकुमचंद गुप्ता, पवन अग्रवाल व लाजपत मित्तल यांचा समावेश आहे.
© 2025 मॅक्स मंथन डेली न्यूज. सर्व हक्क राखीव.
