कर्मचारी महासंघाच्या वतीने महापालिकेत गणेशोत्सव उत्साहात साजरा
आयुक्त शेखर सिंह यांच्या हस्ते श्री गणरायाची आरती; विविध सांस्कृतिक कार्यक्रमांचे आयोजन
२८ ऑगस्ट २०२५, मॅक्स मंथन डेली न्यूज:
पिंपरी, प्रतिनिधी शाम सोनवणे – पिंपरी-चिंचवड महापालिका कर्मचारी महासंघाच्या वतीने यंदाही गणेशोत्सव मोठ्या उत्साहात आणि भक्तीभावाने साजरा होत आहे. महापालिकेच्या मुख्य प्रशासकीय इमारतीत सुरू झालेल्या या सोहळ्यात आज सायंकाळी महापालिका आयुक्त तथा प्रशासक शेखर सिंह यांच्या हस्ते श्री गणरायाची विधिवत आरती करण्यात आली. यावेळी “गणपती बाप्पा मोरया” च्या जयघोषाने संपूर्ण परिसर दुमदुमून गेला होता.
धार्मिक आणि सांस्कृतिक उपक्रमांची रेलचेल
याप्रसंगी अतिरिक्त आयुक्त प्रदीप जांभळे पाटील, विजयकुमार खोराटे, सहशहर अभियंता बापू गायकवाड, उपायुक्त अण्णा बोदडे, जनता संपर्क अधिकारी प्रफुल्ल पुराणिक, महापालिका कर्मचारी महासंघाचे उपाध्यक्ष मनोज माछरे, खजिनदार नितीन सनगीर यांच्यासह सनी कदम, विशाल भुजबळ, अभिषेक फुगे, विश्वनाथ लांडगे, दत्ता ढगे, ईश्वर आठवल, गणेश जाधव, विजया कांबळे, माया वाकडे, शितल पवार, योगिता पाटील यांच्यासह महापालिका अधिकारी, कर्मचारी व महासंघाचे पदाधिकारी उपस्थित होते.
गणेशोत्सवाच्या निमित्ताने कर्मचारी महासंघाने विविध धार्मिक, सांस्कृतिक आणि सामाजिक उपक्रमांचे आयोजन केले आहे. उद्या, २९ ऑगस्ट रोजी श्री गणपती अथर्वशीर्ष पठणाचा कार्यक्रम आयोजित करण्यात आला आहे. तसेच, विसर्जनाच्या वेळी पर्यावरणपूरक उपक्रम राबवले जाणार असल्याची माहितीही महासंघाच्या पदाधिकाऱ्यांनी दिली.
© 2025 मॅक्स मंथन डेली न्यूज. सर्व हक्क राखीव.
