आकाशात रक्ताचा सडा!

२०२२ नंतरचे सर्वात मोठे चंद्रग्रहण, तब्बल ७ अब्ज लोकांना दिसणार ‘ब्लड मून’

३० ऑगस्ट २०२५, मॅक्स मंथन डेली न्यूज:

पिंपरी -गेल्या अनेक वर्षांपासून ज्याची आतुरतेने वाट पाहिली जात आहे, असे एक मोठे चंद्रग्रहण लवकरच आकाशात दिसणार आहे. येत्या ७ आणि ८ सप्टेंबर रोजी ‘ब्लड मून’ (Blood Moon) हे अद्भुत दृश्य पाहता येणार आहे. २०२२ नंतरचे हे सर्वात मोठे खग्रास चंद्रग्रहण असून, जगातील जवळपास ८५ टक्के म्हणजेच ७ अब्ज लोक हे विहंगम दृश्य पाहू शकतील.

अमेरिकेतील नागरिकांसाठी निराशा

हे चंद्रग्रहण ७ सप्टेंबरच्या रात्रीपासून सुरू होऊन सुमारे ३ तास २९ मिनिटे चालेल, तर चंद्र पूर्णपणे पृथ्वीच्या छायेखाली आल्याने तो लाल रंगाचा दिसेल, ही ‘पूर्णता’ (totality) तब्बल ८२ मिनिटे असेल. हे चंद्रग्रहण आशिया, आफ्रिका आणि ऑस्ट्रेलिया खंडातून स्पष्टपणे दिसेल. मात्र, अमेरिकेतील नागरिकांना हे ग्रहण पाहता येणार नाही. त्यांना लाईव्ह स्ट्रीमवर अवलंबून राहावे लागेल. पुढील वर्षी मार्च २०२६ पर्यंत त्यांना अशा मोठ्या चंद्रग्रहणाची वाट पाहावी लागेल.

चंद्र लाल का दिसतो?

चंद्रग्रहण दरम्यान, जेव्हा पृथ्वी सूर्य आणि चंद्राच्या मध्ये येते, तेव्हा पृथ्वीची सावली चंद्रावर पडते. अशा वेळी चंद्र पूर्णपणे अदृश्य होण्याऐवजी लाल रंगाचा दिसतो. ‘रेले स्कॅटरिंग’ (Rayleigh scattering) या वैज्ञानिक परिणामामुळे असे घडते. याच कारणामुळे सूर्यास्तावेळी किंवा सूर्योदयाच्या वेळी आकाश लाल रंगाचे दिसते. पृथ्वीच्या वातावरणातून सूर्यप्रकाश चंद्रावर पोहोचताना निळ्या रंगाचे किरणे शोषली जातात आणि फक्त लाल रंगाचे किरणे चंद्रावर पोहोचतात, ज्यामुळे चंद्र लाल दिसतो.

© 2025 मॅक्स मंथन डेली न्यूज. सर्व हक्क राखीव.