ढोल-ताशांच्या गजरात मिरवणूक संपन्न: पिंपरी-चिंचवडमधील ६० गणेश मंडळांचा महापालिकेकडून सन्मान

आयुक्त शेखर सिंह यांच्या मार्गदर्शनाखाली पिंपरी व चिंचवड येथे स्वागत कक्षांचे आयोजन; २१५ टन निर्माल्य संकलन

पिंपरी-चिंचवड, प्रतिनिधी शाम सोनवणे, ०७ सप्टेंबर २०२५, मॅक्स मंथन डेली न्यूज:

पारंपरिक वेशभूषा, ढोल-ताशांचा गजर, रांगोळीच्या पायघड्या आणि फुलांची उधळण… अशा उत्साही वातावरणात पिंपरी चिंचवड शहरात शनिवार, ६ सप्टेंबर रोजी गणेश विसर्जन मिरवणूक उत्साहात पार पडली. या मिरवणुकीत सहभागी झालेल्या गणेश मंडळांच्या भक्तिभावाचा आणि सांस्कृतिक योगदानाचा सन्मान करण्यासाठी पिंपरी चिंचवड महापालिकेच्या वतीने पिंपरी (कराची चौक) आणि चिंचवड (हुतात्मा चापेकर चौक) येथे विशेष स्वागत कक्षांचे आयोजन करण्यात आले होते.

दोन केंद्रांवर ६० मंडळांचा सत्कार

महापालिकेने आयुक्त शेखर सिंह यांच्या मार्गदर्शनाखाली विसर्जन मिरवणुकीचे नियोजन केले होते. या स्वागत कक्षांमध्ये एकूण ६० गणेश मंडळांचा सत्कार करण्यात आला.

• चिंचवड: येथील स्वागत कक्षातून ३१ गणेश मंडळांनी सत्कार स्वीकारला. यामध्ये सायंकाळी ५.१० वाजता अजिंक्य मित्र मंडळाने प्रथम प्रवेश केला, तर रात्री ११.५५ वाजता मोरया गोसावी क्रीडांगण मित्र मंडळ अखेरचे दाखल झाले.
• पिंपरी: कराची चौकातील स्वागत कक्षात २९ मंडळांचे  शिवशंकर मित्र मंडळ,  फाईव्ह स्टार मित्र मंडळ, हर्षल मित्र मंडळ, श्री नवचैतन्य तरुण मंडळ, शिवशक्ती मित्र मंडळ, फुले मार्केटचा राजा, महेश मित्र मंडळ, लालबहादूर शास्त्री मित्र मंडळ, स्वराज्य मित्र मंडळ, श्री महादेव मित्र मंडळ, एस पी मित्र मंडळ, जय भारत तरुण मंडळ, साईबाबा मित्र मंडळ, रमाबाई नगर मित्र मंडळ, १६ नंबर वाई मित्र मंडळ,  श्री गणेश मित्र मंडळ, मोरया मित्र मंडळ, श्री साई तरुण मित्र मंडळ, न्यू स्टार मित्र मंडळ, गजानन मित्र मंडळ, दिग्विजय मित्र मंडळ, भागवत तरुण मंडळ,अजिंक्य मित्र मंडळ,   श्री दत्त तरुण मंडळ, श्री गणेश मंडळ चिंचवड स्टेशन, सद्गुरु मंडळ चिंचवड गाव, श्री संत ज्ञानेश्वर मित्र मंडळ गांधी पेठ चिंचवड, ज्ञानदीप मित्र मंडळ गांधी पेठ चिंचवड, क्रांतिवीर भगतसिंग मित्र मंडळ राम आळी चिंचवड, उत्कृष्ट मित्र मंडळ भोई आळी चिंचवड, मिल्कमेड परिवार चिंचवड स्टेशन, आदर्श मित्र मंडळ तानाजी नगर चिंचवड, नव गजानन मित्र मंडळ चिंचवड, गांधी पेठ मित्र मंडळ चिंचवड गाव, मुंजोबा मित्र मंडळ चिंचवड, गावडे कॉलनी संस्कृती मित्र मंडळ चिंचवड स्टेशन, श्री छत्रपती शिवाजी महाराज मित्र मंडळ, उत्कर्ष मित्र मंडळ माणिक कॉलनी चिंचवड, मोरया मित्र मंडळ गावडे भोईर आळी चिंचवड, भोईर कॉलनी मित्र मंडळ गावडे कॉलनी चिंचवड, समर्थ मित्र मंडळ दळवी नगर, नवतरुण मित्र मंडळ चाफेकर चौक, नवभारत मित्र मंडळ गावडे भोईर आळी, संतोष नगर मित्र मंडळ चिंचवड स्टेशन, शिवाजी उदय मित्र मंडळ तानाजी नगर, गावडे पार्क मित्र मंडळ चिंचवड स्टेशन, अष्टविनायक मित्र मंडळ, श्री काळभैरवनाथ मित्र मंडळ चिंचवड,  समता तरुण मंडळ दळवीनगर, सुदर्शन मित्र मंडळ चिंचवड स्टेशन, मयुरेश्वर मित्र मंडळ मंगलमूर्ती वाडा, मोरया गोसावी क्रीडांगण केशवनगर स्वागत करण्यात आले.  अखेरचे मंडळ रात्री ११.४५ वाजता दाखल झाले.

गणेश मंडळांच्या मिरवणूक प्रमुखांचे स्वागत अतिरिक्त आयुक्त प्रदीप जांभळे पाटील, विजयकुमार खोराटे आणि तृप्ती सांडभोर यांनी केले. यावेळी उपायुक्त अण्णा बोदडे, क्षेत्रीय अधिकारी अश्विनी गायकवाड , किशोर ननावरे, मुख्य सुरक्षा अधिकारी उदय जरांडे, मुख्य आपत्ती व्यवस्थापन अधिकारी ओमप्रकाश बहिवाल, विशेष अधिकारी किरण गायकवाड, जनता संपर्क अधिकारी प्रफुल्ल पुराणिक यांच्यासह महापालिकेचे वरिष्ठ अधिकारी व मान्यवर उपस्थित होते. चिंचवड येथील कक्षास माजी महापौर अपर्णा डोके , माजी नगरसदस्य नामदेव ढाके,  गोविंद पानसरे,राजेंद्र गावडे,सुरेश भोईर,अश्विनी चिंचवडे,विठ्ठल भोईर आणि अन्य लोकप्रतिनिधींनीही हजेरी लावली.

ऐतिहासिक देखावे ठरले आकर्षण

मिरवणुकीत सहभागी झालेल्या विविध कलापथकांनी सादर केलेले ढोल-ताशांचे चित्तथरारक खेळ, विद्युत रोषणाईने सजविलेले रथ आणि सांस्कृतिक सादरीकरण नागरिकांसाठी आकर्षण ठरले. काही मंडळांनी राजमाता जिजाऊ माँसाहेब, छत्रपती शिवाजी महाराज, वीर मुरारबाजी यांसारखे ऐतिहासिक देखावे सादर केले. पिंपरी येथील ‘भक्तीशक्तीचा संदेश’ देणारा आणि चिंचवड येथील ‘माय मराठीचा गंध’ हा मराठी भाषेचा सन्मान करणारा विसर्जन रथ विशेष लक्षवेधी ठरला.

पर्यावरणपूरक विसर्जनाला मोठे यश

यावर्षी महापालिकेच्या वतीने पर्यावरणपूरक विसर्जनासाठी मोठी मोहीम राबवण्यात आली, ज्याला मोठे यश मिळाले आहे.

• मूर्ती संकलन: शहरातील आठही प्रभागांमधून एकूण १ लाख ११ हजार ७२९ गणेश मूर्तींचे संकलन झाले. यात ९१,००२ पीओपी मूर्तींचा समावेश होता.
• निर्माल्य संकलन: शहरातून एकूण २१५.७० टन निर्माल्य संकलित करण्यात आले.

महापालिकेच्या या सन्मान उपक्रमाने मंडळांमध्ये आणि नागरिकांमध्ये उत्साहाचे वातावरण होते, ज्यामुळे ही मिरवणूक सांस्कृतिक परंपरेचे आणि प्रशासकीय बांधिलकीचे प्रतीक ठरली.

© 2025 मॅक्स मंथन डेली न्यूज. सर्व हक्क राखीव.