रक्ताचं नातं, विश्वासाचं नातं! पूरग्रस्त मराठवाड्याच्या मदतीसाठी भोसरीत पत्रकारांचे भव्य रक्तदान शिबिर
‘मिशन मराठवाडा’ अंतर्गत महाराष्ट्र राज्य पत्रकार संघ आणि राजमाता जिजाऊ शिक्षण प्रसारक मंडळाचा पुढाकार; रविवारी (दि. ) तुळजा भवानी मंदिरामागे शिबिर.
पिंपरी-चिंचवड, पिंपरी प्रतिनिधी शाम सोनवणे, दि. ऑक्टोबर , मॅक्स मंथन डेली न्यूज:
मराठवाड्यात मागील दोन महिन्यांत झालेल्या मुसळधार पावसामुळे तेथील जनजीवन पूर्णपणे विस्कळीत झाले आहे. उभी पिके भुईसपाट झाली असून हजारो दुभती जनावरे मृत्युमुखी पडली आहेत. या गंभीर परिस्थितीत पूरग्रस्त भागांमध्ये रोगराई पसरण्याची भीती असल्याने, या हवालदिल झालेल्या बांधवांना मदतीचा हात देण्यासाठी पिंपरी-चिंचवड शहरातून एक महत्त्वपूर्ण पुढाकार घेण्यात आला आहे.
पत्रकारांची शिखर संस्था असलेल्या महाराष्ट्र राज्य पत्रकार संघ, मुंबई या संस्थेने “मिशन मराठवाडा” अंतर्गत मदत कार्याचे नियोजन केले असून, या अभियानाचा पहिला टप्पा म्हणून भोसरी येथे भव्य रक्तदान शिबिर आयोजित करण्यात आले आहे. राजमाता जिजाऊ शिक्षण प्रसारक मंडळ आणि नवमहाराष्ट्र मित्र मंडळ यांच्या संयुक्त विद्यमाने हे शिबिर पार पडेल, अशी माहिती महाराष्ट्र राज्य पत्रकार संघाचे प्रदेश अध्यक्ष गोविंद वाकडे यांनी दिली आहे.
बार्शी आणि उमरगा येथील गरजूंना होणार रक्तपुरवठा
हे रक्तदान शिबिर रविवार, दि. ऑक्टोबर रोजी सकाळी ते सायंकाळी या वेळेत आयोजित करण्यात आले आहे.
- स्थळ: लांडेवाडी, भोसरी (तुळजा भवानी मंदिर, छत्रपती शिवाजी महाराज स्मारकाच्या मागे).
- उद्घाटन: शिबिराचे उद्घाटन सकाळी वाजता होणार आहे.
शिबिरात संकलित झालेले रक्त सोमवारी (दि. ऑक्टोबर) पासून गरजू रुग्णांना उपलब्ध होईल. हे रक्त बार्शी येथील भगवंत ब्लड बँक आणि उमरगा, धाराशिव येथील श्री श्री रविशंकर ब्लड बँक स्टोरेज येथे पाठवले जाणार आहे. सहभागी होणाऱ्या सर्व रक्तदात्यांना आयोजकांच्या वतीने आकर्षक भेट वस्तू देण्यात येणार आहेत.
सामाजिक ‘महायज्ञात’ सहभागी होण्याचे आवाहन
संकटात असलेल्या समाजबांधवांना मदतीचा हात देण्यासाठी रक्तदान शिबिराचे आयोजन करणारी महाराष्ट्र राज्य पत्रकार संघ ही पत्रकारांची पहिलीच संघटना आहे.
भोसरीचे प्रथम आमदार विलास लांडे पाटील यांनी शहरातील सर्व पत्रकार बंधू, भगिनी, त्यांचे कुटुंबीय आणि मित्र मंडळींनी तसेच इतर संस्था व सामाजिक कार्यकर्त्यांनी या ‘महायज्ञात’ सहभागी व्हावे, असे कळकळीचे आवाहन केले आहे. त्यांनी ‘नातं रक्ताचं, विश्वासाचं आणि आधारचं’ जपून ते वृद्धिंगत करण्याचे महत्त्व अधोरेखित केले.
या शिबिराच्या यशस्वी संयोजनात गोविंद वाकडे – ९९२३८४६८२७, विश्वासराव आरोटे – ९४२३३८८५०८, नितीन शिंदे – ९०११६९९७९३, सचिन चपळगावकर – ९९२३११२७१२, पराग कुंकूळोळ – ९८२२३३६३५६, संजय (बापू) जगदाळे – ९०२८२६२८३३, विजय सुराणा – ९८२२४४८८२५, अतुल क्षीरसागर – ८२०८३००४८२ आदींनी सहभाग घेतला आहे.
© मॅक्स मंथन डेली न्यूज. सर्व हक्क राखीव.
