कार्यालयात महर्षी वाल्मीकी जयंती उत्साहात साजरी: ‘रामायण’ सत्य आणि मानवतेचा शाश्वत संदेश!
‘आदिकवी’ महर्षी वाल्मीकी यांच्या प्रतिमेला आदरांजली; शहराध्यक्ष शत्रुघ्न काटे यांच्या मार्गदर्शनाखाली पिंपरी-चिंचवड भाजप कार्यालयात कार्यक्रमाचे आयोजन.
पिंपरी-चिंचवड, प्रतिनिधी बालाजी नवले, दि. ऑक्टोबर , मॅक्स मंथन डेली न्यूज:
आदि महाकाव्य ‘रामायणा’ चे रचयिता महर्षी वाल्मीकि यांची जयंती आज (मंगळवार, ऑक्टोबर ) पिंपरी-चिंचवड येथे मोठ्या उत्साहात साजरी करण्यात आली. भारतीय जनता पक्षाच्या () वतीने मोरवाडी येथील पक्ष कार्यालयात या कार्यक्रमाचे आयोजन करण्यात आले होते.
भाजपचे शहराध्यक्ष श्री. शत्रुघ्न (बापू) काटे यांच्या मार्गदर्शनाखाली हा कार्यक्रम पार पडला. यावेळी सर्व उपस्थितांनी महर्षी वाल्मीकि यांच्या प्रतिमेला पुष्पहार अर्पण करून त्यांना आदरांजली वाहिली आणि त्यांच्या महान साहित्यिक व सामाजिक कार्याचे विनम्र स्मरण केले
यावेळी चे संघटन अनुसूचित जाती मोर्चा, महाराष्ट्र प्रदेशचे नेते व पिंपरी-चिंचवड महानगरपालिकेचे माजी नगरसेवक श्री. धनराज बिरदा यांच्यासह अनेक मान्यवर उपस्थित होते. उपस्थितांमध्ये रामपाल सौदा (अध्यक्ष, सकल पंच), श्री. विष्णू चावरिया (सामाजिक कार्यकर्ते), ॲड. सागर चरण (सामाजिक कार्यकर्ते), श्री. यश बोथ, श्री. अनिल सोनार आणि श्री. सुनील लखन यांचा समावेश होता.
आदिकवींच्या कार्याचा गौरव
यावेळी बोलताना मान्यवरांनी महर्षी वाल्मीकि यांचा ‘आदिकवी’ म्हणून गौरवपूर्ण उल्लेख केला. तसेच, त्यांच्या ‘रामायणा’ या महाकाव्याने जगाला दिलेल्या सत्य, धर्म आणि मानवतेच्या शाश्वत संदेशाचे महत्त्व विशद केले.
या पावन जयंतीनिमित्त, सर्व उपस्थितांनी समाजात प्रेम, करुणा आणि बंधुभाव वाढवण्यासाठी एकत्रितपणे कार्य करण्याचा संकल्प केला.
© मॅक्स मंथन डेली न्यूज. सर्व हक्क राखीव.
