च्या ‘वेस्ट-टू-एनर्जी’ प्रकल्पाला पश्चिम आफ्रिकी देशांच्या शिष्टमंडळाची भेट!
सेवानिवृत्त, बुर्किना फासो आणि कोट द आयव्हरीच्या प्रतिनिधींकडून शाश्वत उपक्रमांची दखल; ‘आंतरराष्ट्रीय स्तरावर शहराचे नाव उज्ज्वल’
पिंपरी, प्रतिनिधी शाम सोनवणे, दिनांक १३/१०/२०२५, मॅक्स मंथन डेली न्यूज:
पिंपरी चिंचवड महापालिकेच्या पर्यावरण विभागाच्या शाश्वत आणि पर्यावरणपूरक उपक्रमांची दखल आता जागतिक स्तरावर घेतली गेली आहे. ग्लोबल ग्रीन ग्रोथ इन्स्टिट्यूट () आणि सेंटर फॉर वॉटर अँड सॅनिटेशन यांच्या संयुक्त विद्यमाने आयोजित ज्ञानविनिमय दौऱ्यांतर्गत, पश्चिम आफ्रिकेतील सेनेगल, बुर्किना फासो आणि कोट द आयव्हरी या देशांतील शिष्टमंडळाने च्या ‘कचऱ्यापासून ऊर्जा निर्मिती केंद्र’ (वेस्ट-टू-एनर्जी प्रकल्प) आणि ‘कॉम्बीट्रीट सांडपाणी शुद्धीकरण केंद्राला’ भेट दिली.
सध्या पश्चिम आफ्रिकेतील देशांमध्ये “हवामान सक्षमता द्वारे सर्वसमावेशक शहरी स्वच्छता प्रोत्साहन” हा प्रकल्प राबवत आहे. चे हे प्रकल्प देशभरातील आदर्श आणि शाश्वत उपाययोजनांचे उत्कृष्ट उदाहरण मानले जातात. त्यामुळे महापालिकेच्या यशस्वी उपक्रमांचा अभ्यास करून, स्थानिक प्रशासनांमध्ये ते अनुभव वापरण्याचा या भेटीमागे हेतू होता.
शिष्टमंडळाचे नेतृत्व
या सदस्यीय प्रतिनिधीमंडळाचे नेतृत्व मन्सूर फॉल (गेट्स फाउंडेशनचे सल्लागार) यांनी केले. त्यांच्यासोबत जेरोम फाख्री ( – आफ्रिका विभाग), सिदी का (सेनेगल), ज्युलिएन तिअंद्रेबेओगो (बुर्किना फासो), उस्सेनी ओउएद्राओगो (बुर्किना फासो), अद्जुआ हेलेन ब्रागोरी एप्से योकोली (कोट द आयव्हरी) आणि डायनाबा फाये (सेनेगल) आदी महत्त्वाचे अधिकारी उपस्थित होते.
महापालिकेच्या प्रकल्पांचे सादरीकरण
अतिरिक्त आयुक्त विजयकुमार खोराटे यांच्या मार्गदर्शनाखाली, मुख्य अभियंता संजय कुलकर्णी यांच्या अधिपत्याखाली शिष्टमंडळाला विविध प्रकल्पांची सविस्तर माहिती देण्यात आली. यामध्ये कचऱ्याचे व्यवस्थापन, ऊर्जा निर्मिती प्रक्रिया, सांडपाणी शुद्धीकरण तंत्रज्ञान आणि पुनर्वापर उपक्रमांव्यतिरिक्त मोशी येथील घनकचरा स्थानांतरण केंद्र, प्लास्टिक कचऱ्यापासून इंधन निर्मिती प्रकल्प, बांधकाम राडारोडा प्रक्रिया प्रकल्प, बायो मेडिकल वेस्ट प्लांट, हॉटेल वेस्ट-टू-बायोगॅस प्रकल्प आणि बायो मायनिंग प्रकल्पांबद्दल माहिती देण्यात आली.
या भेटीदरम्यान उपअभियंता योगेश आल्हाट, कनिष्ठ अभियंता दशरथ वाघोले, सल्लागार स्वरूप लगारे आणि प्रकल्प प्रमुख अशोक गुप्ता यांच्यासह पर्यावरण विभागाचे अधिकारी उपस्थित होते. शिष्टमंडळाने सर्व प्रकल्पांच्या कार्यपद्धतीबद्दल समाधान व्यक्त करत शाश्वत शहरी विकासासाठीच्या च्या प्रयत्नांचे विशेष कौतुक केले.
विजयकुमार खोराटे (अतिरिक्त आयुक्त) म्हणाले, “ चे कचरा व्यवस्थापन, ऊर्जा निर्मिती, शून्य कचरा प्रकल्प जागतिक स्तरावर आदर्श ठरत आहेत. या उपक्रमांची दखल आफ्रिकी देशांनी घेतल्याने पिंपरी चिंचवड शहराचे नाव आंतरराष्ट्रीय स्तरावर अधिक उज्ज्वल झाले आहे.”
संजय कुलकर्णी (मुख्य अभियंता) यांनी सांगितले, “ ने स्वच्छता, पर्यावरण संवर्धन आणि शाश्वत विकास क्षेत्रात अनेक नाविन्यपूर्ण उपक्रम राबवले आहेत. हा ज्ञानविनिमय दौरा दोन्ही बाजूंनी अनुभवांची देवाणघेवाण घडवून आणणारा ठरला.”
पश्चिम आफ्रिकेतील प्रतिनिधीमंडळाने महापालिकेच्या पर्यावरणपूरक प्रकल्पांची आणि उपक्रमांची स्थानिक प्रशासनामध्ये अंमलबजावणी करणार असल्याचे यावेळी सांगितले.
© मॅक्स मंथन डेली न्यूज. सर्व हक्क राखीव.
