राष्ट्रीय परदेश शिष्यवृत्ती योजना: SC, VJNT आणि अल्प उत्पन्न गटातील विद्यार्थ्यांना परदेशात शिक्षणाची संधी

पदव्युत्तर आणि Ph.D. साठी ५०० च्या आतील जागतिक क्रमवारी असलेल्या संस्थांमध्ये प्रवेशासाठी अर्ज करण्याचे आवाहन

अमरावती, प्रतिनिधी अविनाश वानखेडे, दि. १८ ऑक्टोबर २०२५, मॅक्स मंथन डेली न्यूज::

समाजातील आर्थिक आणि सामाजिक स्थिती सुधारण्यास मदत करणाऱ्या केंद्र शासनाच्या महत्त्वाकांक्षी राष्ट्रीय परदेश शिष्यवृत्ती योजनेचा लाभ पात्र विद्यार्थ्यांनी घ्यावा, असे आवाहन समाज कल्याण प्रादेशिक उपायुक्त माया केदार यांनी केले आहे. या योजनेमुळे कमी उत्पन्न असलेल्या श्रेणीतील विद्यार्थ्यांना पदव्युत्तर पदवी (Post Graduation) किंवा पीएच.डी. (Ph.D.) अभ्यासक्रमासाठी परदेशात उच्च शिक्षण घेण्याची संधी मिळणार आहे.

या योजनेचा लाभ घेण्यासाठी अर्जदाराने खालील निकष पूर्ण करणे आवश्यक आहे:

या योजनेत पात्र विद्यार्थ्यांना मिळणारे आर्थिक सहाय्य मोठे आहे:

1. शिक्षण शुल्क: विद्यापीठाने प्रमाणित केलेल्या शिक्षण फीची पूर्ण रक्कम.

2. निर्वाह भत्ता (Maintenance Allowance):

   • अमेरिका व इतर राष्ट्रे: १५,४०० डॉलर वार्षिक.

   • युनायटेड किंगडम UK : ९,९०० पाऊंड वार्षिक.

   •   आकस्मिक खर्च: (पुस्तके, अभ्यासदौरा इ.)

     • अमेरिका व इतर राष्ट्रे:  १,५०० डॉलर .
     • युनायटेड किंगडम UK : १,१०० पाऊंड .

3. इतर लाभ: आरोग्य विमा आणि व्हिसा शुल्क अनुज्ञेय असेल, तसेच परदेशात जाताना आणि अभ्यासक्रम यशस्वीरित्या पूर्ण केल्यानंतर परत येतानाचा प्रवासाचा खर्च देखील देण्यात येतो.

इच्छुक विद्यार्थ्यांनी या योजनेसाठी ऑनलाइन अर्ज करावेत.

• संकेतस्थळ: अर्ज नमुना आणि अधिक माहितीसाठी विद्यार्थ्यांनी nosmsje.gov.in या संकेतस्थळाला भेट द्यावी.

• अधिक माहितीसाठी संपर्क: योजने संबंधित अधिक माहितीसाठी योगेश तनेजा, अवर सचिव, शास्त्री भवन, डॉ. राजेंद्र प्रसाद रोड, नवी दिल्ली-११०००१  फोनः ०११-२३३८४०२३ यांच्याशी संपर्क साधण्याचे आवाहन करण्यात आले आहे.

© २०२५ मॅक्स मंथन डेली न्यूज. सर्व हक्क राखीव.