पिंपरी-चिंचवड महापालिका निवडणुकीसाठी भाजयुमो सज्ज! युवाशक्तीला संधी देण्यासाठी ‘विजयाचा शंखनाद’

मुख्यमंत्री देवेंद्र फडणवीस, पंतप्रधान नरेंद्र मोदी यांच्या मार्गदर्शनाखाली तयारी; युवा मोर्चा अध्यक्ष दिनेश यादव यांचा ‘अबकी बार १०० पार’चा नारा

पिंपरी चिंचवड प्रतिनिधी बालाजी नवले, दि. २ डिसेंबर २०२५, मॅक्स मंथन डेली न्यूज:

पिंपरी-चिंचवड महानगरपालिकेच्या नियोजित सार्वत्रिक निवडणुकीच्या तयारीला भारतीय जनता पार्टीचा (भाजप) युवा मोर्चा (भाजयुमो) पूर्ण ताकदीने लागला आहे. भारताचे पंतप्रधान नरेंद्र मोदी, महाराष्ट्राचे मुख्यमंत्री देवेंद्र फडणवीस आणि प्रदेशाध्यक्ष रवींद्र चव्हाण यांच्या मार्गदर्शनाखाली यावेळी नवीन तरुणांना भारतीय जनता पार्टी संधी देणार असल्यामुळे, शहरातील सर्व तरुण कार्यकर्ते निवडणुकीसाठी सक्रिय झाले आहेत.

भाजपचे पिंपरी-चिंचवड शहर अध्यक्ष शत्रुघ्न उर्फ बापू काटे हे स्वतः युवा कार्यकर्ते असल्यामुळे, शहरातील भारतीय युवा मोर्चाच्या कार्यकर्त्यांच्या अपेक्षा वाढल्या आहेत.

भाजपा शहर कार्यालयात पिंपरी-चिंचवड भाजयुमोच्या सर्व नवनिर्वाचित पदाधिकाऱ्यांची पहिली महत्त्वपूर्ण बैठक नुकतीच यशस्वीरित्या पार पडली. या बैठकीत “विजयाचा शंखनाद..! युवा मोर्चाचा अभेद्य संकल्प..! नवीन कार्यकारिणी, नवीन दिशा..!” या संकल्पासह प्रदेश स्तरावरील आगामी उपक्रमांसाठी व स्थानिक स्वराज्य संस्थेच्या निवडणुकांच्या अनुषंगाने एकजुटीने काम करण्याचा निर्धार करण्यात आला. शहरात युवाशक्तीला प्रभावीपणे कार्यान्वित करण्याची ब्लूप्रिंट तयार करण्यात आली.

• वरिष्ठांचे मार्गदर्शन: यावेळी भाजपा पिंपरी चिंचवड शहर अध्यक्ष शत्रुघ्न उर्फ बापू काटे   आणि संघटन सरचिटणीस ॲड. मोरेश्वर शेडगे

• यांनी सर्व नवनियुक्त पदाधिकाऱ्यांना मोलाचे मार्गदर्शन केले. युवा मोर्चा पदाधिकाऱ्यांनी आगामी काळात महानगरपालिका निवडणुकीच्या अनुषंगाने मतदारांशी प्रभावीपणे संपर्क साधावा आणि भारतीय जनता पार्टीच्या वतीने गतकाळात केलेली विकास कामे जनतेपर्यंत पोहोचवण्याचे आवाहन केले.

• युवा संपर्क अभियान: युवा मोर्चा प्रदेश सचिव अजित अरुण कुलथे यांनी प्रदेशातून आलेल्या ‘युवा संपर्क अभियान’ या आगामी काळातील युवकांशी निगडित ‘काॅफी विथ युथ’ या महत्त्वाकांक्षी अभियानची माहिती सर्व पदाधिकाऱ्यांना दिली.

युवा मोर्चा शहर अध्यक्ष  दिनेश लालचंद यादव  यांच्या वतीने यावेळी ‘अबकी बार १०० पार’ चा नारा देत, युवा मोर्चा मोठ्या ताकदीने आगामी काळात स्थानिक स्वराज्य संस्थेच्या निवडणुकीत जोमाने काम करेन, असे आश्वासन वरिष्ठांना देण्यात आले.

या प्रसंगी पुर्व युवा मोर्चा अध्यक्ष संकेत चोंधे, राज तापकीर, युवा मोर्चा सरचिटणीस प्रसाद कस्पटे, राहुल खाडे, उदय गायकवाड, सुमित घाटे, दिनेश काटे पाटील, गणेश सस्ते, सम्यक साबळे यांच्या सह सर्व नवनियुक्त शहर पदाधिकारी मोठ्या संख्येने उपस्थित होते.

© २०२५ मॅक्स मंथन डेली न्यूज. सर्व हक्क राखीव.