लेखणीत बदलाची मोठी ताकद; लेखकाने सामाजिक मूल्यांची जपणूक करावी! पिंपळे गुरव येथे ‘काव्यात्मा’ राज्यस्तरीय पुरस्कारांचे दिमाखदार वितरण

पिंपळे गुरव प्रतिनिधी :आकाश कांबळे,२३ मार्च २०२६ | मॅक्स मंथन साहित्य विशेष:

पिंपळे गुरव : “प्रत्येकजण सूर्य होऊ शकत नाही, पण स्वतःपुरता काजवा नक्कीच होऊ शकतो. समाजाचा परिघ बदलण्याची ताकद लेखणीत आहे, याचे भान लेखकाने ठेवले पाहिजे,” असे प्रतिपादन प्रसिद्ध लेखक श्रीकांत चौगुले यांनी केले. पिंपळे गुरव येथे आयोजित ‘काव्यात्मा’ राज्यस्तरीय पुरस्कार वितरण सोहळ्याच्या अध्यक्षस्थानावरून ते बोलत होते.

याप्रसंगी ज्येष्ठ गझलकार म.भा. चव्हाण यांच्या हस्ते विविध क्षेत्रांतील गुणवंतांना गौरवण्यात आले. यावेळी चव्हाण यांच्या “आज माझे झाड झाले, दुःख दृष्टी आड झाले” या काव्यपंक्तींनी रसिकांची मने जिंकली.

या सोहळ्यात खालील मान्यवरांना त्यांच्या उल्लेखनीय कार्याबद्दल सन्मानित करण्यात आले:

कार्यक्रमात बोलताना वृक्षमित्र अरुण पवार यांनी “घरातील माणसांच्या संख्येइतकी झाडे लावली पाहिजेत” असा संदेश दिला. तर वाघमोडे गुरुजींनी “शिक्षक आणि साहित्यिक हेच खऱ्या अर्थाने क्रांतीचे जनक आहेत,” अशा भावना व्यक्त केल्या. व्यंगचित्रकार लहू काळे यांनी शब्द आणि रेषांच्या माध्यमातून चांगला समाज घडवण्याचा निर्धार व्यक्त केला.

पुरस्कार वितरणानंतर माजी पोलीस अधिकारी आणि कवी आप्पा कसबेकर यांच्या अध्यक्षतेखाली कवी संमेलन पार पडले. “मनातील शब्दांची उकल झाल्याशिवाय जीवनात आनंद मिळणार नाही,” असे कसबेकर यांनी नमूद केले. या संमेलनात प्रमोद जगताप, प्रा. माया मुळे, रशिद अत्तार, योगिता कोठेकर यांच्यासह ३५ हून अधिक कवी-कवयित्रींनी विविध विषयांवर कविता सादर करून सामाजिक ऐक्याचा संदेश दिला.

कार्यक्रमाचे प्रास्ताविक संस्थापक अध्यक्ष आत्माराम हारे यांनी केले, सूत्रसंचालन प्रतिमा काळे व दादाभाऊ ओव्हाळ यांनी केले, तर आभार दत्तू ठोकळे यांनी मानले.

© २०२६ मॅक्स मंथन डेली न्यूज. सर्व हक्क राखीव।